2 րոպեի ընթերցում
ԵՐԵՎԱՆ, 26 ԱՊՐԻԼԻ, ԱՐՄԵՆՊՐԵՍ: Հայաստանի Հանրապետության Ազգային ժողովի նախագահի պաշտոնակատար Գալուստ Սահակյանը դրական է վերաբերում այն հանգամանքին, որ ՀՀ առաջին և երկրորդ նախագահներն ունեն իրենց կարծիքները քաղաքական գործընթացների վերաբերյալ: ՀՀԿ գործադիր մարմնի նիստի ավարտից հետո լրագրողների հետ զրույցում Շարմազանովը, անդրադառնալով ՀՀ երկրորդ նախագահ Ռոբերտ Քոչարյանիի հարցազրույցի վերաբերյալ հարցին, նշեց, որ ցանկացած մարդ կարող է ունենալ իր կարծիքը և ազատ արտահայտել այն: «Մենք չենք ապրում տոտալիտար երկրում, այլ ապրում ենք ժողովրդավարական երկրում, որտեղ պաշտոնաթող նախագահներն ունեն իրենց կարծիքն արտահայտելու իրավունք»,- «Արմենպրես»-ի հաղորդմամբ՝ ասաց Շարմազանովը պատասխանելով դիտարկմանը, թե Ռոբերտ Քոչարյանի կարծիքն իր մեջ քննադատություն է պարունակում:
Շարմազանովն անդրադարձավ նաև այն խոսակցություններին, թե կառավարությունում նշանակվում են Ռոբերտ Քոչարյանի կադրերը: «Կառավարությունում հիմա Հանրապետական կուսակցության կադրերն են, իսկ ինչ վերաբերվում է այդ խոսակցություններին, ապա ասեմ, որ և 1998թ. և 2003թ. Ռոբերտ Քոչարյանի քաղաքական հենարանը եղել է հենց ՀՀԿ-ն, և բոլորովին էլ զարմանալի չէ, որ այդ մարդիկ աշխատել են նաև նրա կաբինետում»,- ասաց Շարմազանովը:
Նա հիշեցրեց, որ ՀՀԿ-ն 10 տարի արդյունավետ համագործակցել է Ռոբերտ Քոչարյանի հետ և նրա ղեկավարման տարիներին էլ եղել է ամենաազդեցիկ քաղաքական ուժը: