Արգավանդ-Փարաքար ճանապարհին 3 մեքենաներ են բախվել
1 րոպեի ընթերցում
![Արգավանդ-Փարաքար ճանապարհին 3 մեքենաներ են բախվել](http://armenpress.am/resized/480/static/news/b/2014/04/758955.jpg)
ԵՐԵՎԱՆ, 22 ԱՊՐԻԼԻ, ԱՐՄԵՆՊՐԵՍ: ՀՀ ԱԻՆ-ում ապրիլի 22-ին` ժամը 05.30-ին, ահազանգ է ստացվել, որ միջհամայնքային Մ-5 ավտոճանապարհի Արգավանդ-Փարաքար հատվածում տեղի է ունեցել ՃՏՊ. կան տուժածներ. անհրաժեշտ է փրկարարների օգնությունը: Դեպքի վայր է մեկնել մեկ մարտական հաշվարկ: Ինչպես «Արմենպրես»-ին տեղեկացրին ՀՀ արտակարգ իրավիճակների նախարարությունից, պարզվել է, որ բախվել են «Օպել Աստրա» մակնիշի 20LS868 , «Օպել Վեկտրա» մակնիշի 31ՕԼ021 և «Տոյոտա Լանդ Կրուզեր» մակնիշի 19ՏԼ731 պետհամարանիշներով ավտոմեքենաները, ինչից Հ. Գ.-ը (ծնվ. 1982թ.) և Ս. Ղ.-ը (ծնվ. 1955 թ.) տարբեր աստիճանի մարմնական վնասվածքներով հոսպիտալացվել են «Մալաթիա» ԲԿ: Բժիշկները տուժածների առողջական վիճակը գնահատել են բավարար: