1 րոպեի ընթերցում
ԵՐԵՎԱՆ, 22 ՄԱՐՏԻ, ԱՐՄԵՆՊՐԵՍ: Հայաստանի ուժեղագույն շախմատիստ Լևոն Արոնյանը անդրադարձել է հավակնորդների մրցաշարի 7-րդ տուրի` Սերգեյ Կարյակինի հետ մրցավեճին:
«Մեծ սիրով եմ ընդունում մարտահրավերը եւ խաղում եմ միայն մրցակցի թույլտվությամբ: Խնդիրն այն է, որ երբ երկար եմ խաղում, ապա հետո չեմ կարողանում ֆուտբոլ խաղալ: Սերգեյը զրկեց ինձ ֆուտբոլից, սակայն ես շատ գոհ եմ, որ այժմ Անանդի հետ գլխավորում եմ մրցաշարային աղյուսակը»,- «Արմենպրես»-ի հաղորդմամբ` ասել է Արոնյանը:
Հավակնորդների մրցաշարի 7-րդ տուրում Արոնյանը սև խաղաքարերով գերազանցեց Ռուսաստանի ներկայացուցիչ Սերգեյ Կարյակինին: