Աճուրդի կհանվի Ջորջ Հարիսոնի կիթառը

ԵՐԵՎԱՆ, 18 ՄԱՐՏԻ, ԱՐՄԵՆՊՐԵՍ: Բրիտանական լեգենդար The Beatles խմբի երկրպագուներն ունեն հրաշալի հնարավորություն գնելու խմբի անդամ Ջորջ Հարիսոոնի կիթառը, որի օգնությամբ խումբը ձայնագրել է «I want to hold your hand երգը»: Ինչպես հաղորդում է «Արմենպրես»-ը, վկայակոչելով Guardian-ը, աճուրդը տեղի կունենա մայիսի 16-17-ին, Մանհեթեն քաղաքի Hard Rock Cafe-ում եւ նվիրված է խմբի ԱՄՆ հյուրախաղերի 50-ամյա հոբելյանին: Միջոցառման կազմակերպիչը Julien’s Auctions աճուրդի տունն է: Երաժշտական գործիքի նախնական գինը 600 հազար ԱՄՆ դոլար է, սակայն աճուրդի տան կազմակերպիչները հույս ունեն այն վաճառել 1 միլիոն դոլարով:

Աճուրդի տանը վստահ են, որ «բիթլների» երկրպագուների թվում կան բազմաթիվ մուլտիմիլարդատերեր, ովքեր դեմ չեն լինի իրենց հավաքածուն լրացնել նման թանկարժեք գործիքով: