Հրշեջ-փրկարարները մարել են ռեստորանում և տնակում բռնկված հրդեհները
1 րոպեի ընթերցում
![Հրշեջ-փրկարարները մարել են ռեստորանում և տնակում բռնկված հրդեհները](http://armenpress.am/resized/480/static/news/b/2014/02/749393.jpg)
ԵՐԵՎԱՆ, 8 ՓԵՏՐՎԱՐԻ, ԱՐՄԵՆՊՐԵՍ: Հրշեջ-փրկարարները մարել են Իջևան քաղաքի «Օջախ» ռեստորանային համալիրում և Երևանում չբնակեցված տնակում բռնկված հրդեհները: Այս մասին «Արմենպրես»-ը տեղեկացավ ՀՀ արտակարգ իրավիճակների նախարարության կայքից:
Փետրվարի 8-ին, ժամը 03.53-ին ահազանգ է ստացվել, որ հրդեհ է բռնկվել Տավուշի մարզի Իջևան քաղաքի Երևանյան փողոցում գտնվող «Օջախ» ռեստորանային համալիրում: Դեպքի վայր է մեկնել երեք մարտական հաշվարկ: Պարզվել է, որ այրվում են ռեստորանի տանիքի փայտյա կառուցատարրերը (մոտ 200 քմ): Հրդեհը մեկուսացվել է ժամը 05.42-ին, մարվել` 07.19-ին: Ամբողջությամբ այրվել են ռեստորանի տանիքի փայտյա կառուցատարրերը (մոտ 200 քմ) և սրահի գույքը` մասնակի:
Փետրվարի 8-ին, ժամը 04.31-ին ահազանգ է ստացվել, որ Երևանի Ծարավ Աղբյուրի փողոցի թիվ 55/17 հասցեում այրվում է չբնակեցված տնակ: Դեպքի վայր է մեկնել մեկ մարտական հաշվարկ: Հրդեհը մեկուսացվել է ժամը 05.01-ին, մարվել՝ 05.08-ին: Ամբողջությամբ այրվել է «Էյ դի էյ թեք» ՍՊԸ-ին պատկանող վագոն-տնակը (30 քմ):