Արարատում հրդեհված տանը փրկարարները հայտնաբերել են տանտիրոջ դին
1 րոպեի ընթերցում
![Արարատում հրդեհված տանը փրկարարները հայտնաբերել են տանտիրոջ դին](http://armenpress.am/resized/480/static/news/b/2014/02/749043.jpg)
ԵՐԵՎԱՆ, 6 ՓԵՏՐՎԱՐԻ, ԱՐՄԵՆՊՐԵՍ: Արարատի մարզի Շահումյան գյուղի Վ. Հակոբյան փողոցի տներից մեկում փետրվարի 6-ին` ժամը 02.15-ին, հրդեհ է բռնկվել: Ինչպես «Արմենպրես»-ին տեղեկացրին ՀՀ արտակարգ իրավիճակների նախարարությունից, դեպքի վայր է մեկնել երկու մարտական հաշվարկ: Հրդեհը մեկուսացել է ժամը 02.37-ին, մարվել՝ 02.55-ին: Այրվել է տան ննջասենյակը՝ գույքով (25 քմ): Հրշեջ-փրկարարները ննջասենյակի հատակին հայտնաբերել են 1964թ. ծնված Հ. Ս.-ի կիսաայրված դին: