Արթուր Բաղդասարյանը ՀԱՊԿ գլխավոր քարտուղարի հետ Երեւանում կքննարկի սահմանում տիրող իրավիճակը

ԵՐԵՎԱՆ, 1 ՓԵՏՐՎԱՐԻ, ԱՐՄԵՆՊՐԵՍ: Հայաստանը ՀԱՊԿ գլխավոր քարտուղարին պարբերաբար տեղեկացնում է սահմանին տիրող իրավիճակի մասին: Այս մասին փետրվարի 1-ին լրագրողների հետ հանդիպմանն ասաց ՀՀ Ազգային անվտանգության խորհրդի քարտուղար Արթուր Բաղդասարյանը` ընդգծելով, որ ՀԱՊԿ գլխավոր քարտուղար Նիկոլայ Բորդյուժան բազմիցս արձագանքել է հայ-ադրբեջանական սահմանին առկա լարվածությանը: «Մենք չենք կարող ակնկալել որ յուրաքաչյուր միջադեպի ՀԱՊԿ-ը պետք է արձագանքի, ինչքան էլ ողբերգական ու դատապարտելի լինեն այդ դեպքերը: Արձագանքելը նրանց իրավունքն է»,- «Արմենպրես»-ի հաղորդմամբ՝ ասաց Արթուր Բաղդասարյանը:

Նա նշեց, որ առաջիկայում Նիկոլայ Բորդյուժան ժամանելու է Հայաստան, և ինքը ևս մեկ անգամ նրա հետ կխոսի այդ մասին:«Ադրբեջանը նախահարձակ է լինում ու օգտագործում իր դիպուկահարներին, բայց հաջորդ օրը պաշտոնական հաղորդագրություն է տարածում, թե հայկական կողմից եղել է դիվերսիոն հարձակում, ինչն էլ հերքվում է մեր կողմից: Այսինքն` նախահարձակ է լինում ու գցում դիմացինի վրա»,- ասաց նա՝ հավելելով, որ խնդիրը մտահոգիչ է և հարկավոր է անընդհատ բարձրաձայնել այդ մասին:

ԱԱԽ քարտուղարի կարծիքով` որքան էլ Հայաստանը ցանկանա, որ Մինսկի խմբի համանախագահները դատապարտեն Ադրբեջանի սադրիչ գործողությունները, ՄԽ-ն դա չի անելու, որովհետև նրանց դերը խաղաղություն ապահովելն է, այլ ոչ թե կողմերից որևէ մեկին հասցեական քննադատելը:ԱԱԽ քարտուղարի խոսքով՝ միակ ելքը հայոց Զինված ուժերի ամրապնդումն: Արթուր Բաղդասարյանը նշեց, որ հարկավոր է շարունակել բանակցային գործընթացը և փորձել գտնել խաղաության բանալին:

Հունվարի 19-ի լույս 20-ի գիշերը ղարաբաղա-ադրբեջանական զորքերի շփման գծի երկու ուղղությությամբ ադրբեջանական կողմը դիվերսիոն խմբերի ներթափանցման փորձ է կատարել: ԼՂՀ զինված ուժերի առաջապահ ստորաբաժանումները, հավաստանշելով ադրբեջանական դիվերսիոն խմբերի գործողությունները, երկու ուղղություններով էլ անցել են կազմակերպվածպաշտպանության և, հակառակորդին պատճառելով զգալի մարդկային և նյութական կորուստ, հետ շպրտել ելման դիրքերը: Բռնկված փոխհրաձգության արդյունքում հակառակորդի կողմից ստացած հրազենայինվիրավորումից` հյուսիսարևելյան ուղղությամբ տեղակայված մարտական դիրքում իր առջև դրվածմարտական խնդիրը արիաբար կատարելու ժամանակ զոհվել է կրտսեր սերժանտ Արմեն Հովհաննիսյանը: Հունվարի 28-ին մարտական դիրքում հակառակորդի դիպուկահարի գնդակից զոհվել է զինծառայող Կարեն Գալստյանը: Ադրբեջանական կողմն իր դիվերսիայից հետո հայտարարում է կորուստների մասին` դրանք կամ վերագրելով հայկական կողմից իբր հրադադրի ռեժիմի խախտմանը, կամ ոչ մարտական պայմաններում տեղի ունեցած միջադեպին: