1 րոպեի ընթերցում
ԵՐԵՎԱՆ, 21 ՀՈՒՆՎԱՐԻ, ԱՐՄԵՆՊՐԵՍ: Հայաստանի և Ադրբեջանի միջև հարաբերություններում առկա են լուրջ տեղաշարժեր: Դրա ապացույցը երկու երկրների նախագահների միջև Վիեննայում կայացած հանդիպումն է: Ինչպես հաղորդում է «Արմենպրես»-ը` վկայակոչելով «Գոլոս Ռոսսիի»-ն, այս մասին ասուլիսի ժամանակ հայտարարել է Ռուսաստանի արտաքին գործերի նախարար Սերգեյ Լավրովը:
Ի պատասխան ներկա ադրբեջանցի լրագրողի այն հարցի, թե արդյոք լինելու են առաջարկներ Լեռնային Ղարաբաղի հակամարտության կարգավորման շուրջ, Լավրովը վստահություն է հայտնել, որ այս հարցում արվում է անհրաժեշտ ամեն բան:
Ռուսաստանի արտաքին գերատեսչության ղեկավարը, լրագրողի այն հարցին, թե արդյոք նա տեղյակ է Հայաստանում ԼՂՀ դեսպանության առկայության մասին, տեղեկացներել է, որ նման տեղեկություն չունի: