Լևոն Արոնյանը կրկին հաղթում է «Տատա սթիլ»-ում

ԵՐԵՎԱՆ, 18 ՀՈՒՆՎԱՐԻ, ԱՐՄԵՆՊՐԵՍ: Շախմատի Հայաստանի տղամարդկանց հավաքականի առաջատար Լևոն Արոնյանը Վեյկ ան Զեեի մրցաշարի 6-րդ տուրում հաղթեց Վեսլի Սոյին: Արոնյանն այս տուրում խաղում էր սպիտակ խաղաքարերով: Պարտիայի 36-րդ քայլում Արոնյանի մրցակից Սոն անձնատուր եղավ: Սա Արոնյանի չորրորդ հաղթանակն է «Տատա սթիլ» փառատոնում: Այժմ Արոնյանն ունի 5 միավոր և շարունակում է միանձնյա գլխավորել մրցաշարային աղյուսակը:

Հաջորդ տուրում Արոնյանի մրցակիցը Իսրայելի ներկայացուցիչ Բորիս Գելֆանդն է: Հայազգի շախմատիստը կխաղա սևերով: