Թուրքիայում քանդել են հայ ընտանիքին պատկանող տունը

2 րոպեի ընթերցում

ԵՐԵՎԱՆ, 11 ՀՈՒՆՎԱՐԻ, ԱՐՄԵՆՊՐԵՍ: Ստամբուլի քաղաքապետարանի որոշմամբ քանդել են Համբարձում եւ Ժանետ Սոլարբաշների Օրթաքյոյ թաղամասի Դերեբոյու պողոտայում գտնվող տունը, ինչի արդյունքում 7 անդամներից բաղկացած նրանց ընտանիքը ձմռան կեսին հայտնվել է փողոցում` անօթեւան: Այս մասին, ինչպես հաղորդում է «Արմենպրես»-ը, հայտնում է թուրքական gercekgundem.com լրատվական կայքը:

Նշվում է, որ տունը պետությունից 1915 թ-ին գնել է Համբարձումի հայրը` Հովհաննես Սոլարբաշը, ով Հայոց ցեղասպանության տարում` 1915 թ-ին Յոզգաթից փախել էր Ստամբուլ: Հայ ընտանիքը, որը մոտ 99 տարի շարունակ վճարել է գույքի հետ կապված բոլոր հարկերը, ինչ-ինչ պատճառներով սեփականության փաստաթուղթ չուներ մինչեւ 1983 թ-ը, երբ Ստամբուլի քաղաքապետարանին 2 հազար լիրա վճարելուց հետո Համբարձում Սոլարբաշը տան սեփականության վկայագիր է ստացել:

Ստամբուլի քաղաքապետարանը անցյալ տարի որոշում է կայացրել Օրթաքյոյի այդ տարածքում 5 տներ քանդելու մասին, որոնցից 4-ն արդեն քանդել են: Համբարձումը լրագրողներին հայտնել է, որ ինքը պահանջում է, որ տարածքում կառուցվելիք բնակարաններից մեկը հատկացնեն իր ընտանիքին, այնինչ` քաղաքապետարանը առաջարկում է իրեն տեղափոխվել մի բնակարան, որի համար ինքը պետք է 74 հազար լիրա վճարի: Նա նշել է, որ իրեն պատկանող տունը քանդելու դիմաց պետությունը ոչ մի փոխհատուցում չի առաջարկել, իսկ տարածքը համարվում է Ստամբուլի թանկարժեք շրջաններից մեկը:

Հայերեն English Русский

Ավինյանը ներկայացրել է Երևանի խցանումների խնդրի հնարավոր լուծումները

Ջերմուկում մայր արջը շրջում է ձագերի հետ․ ՇՄ նախարարությունը հորդորում է պահպանել անվտանգության կանոնները

Ռուբիոն դատապարտել է Իրանի հարձակումները Բահրեյնի վրա

«Եվրատեսիլ 2027»-ի տոմսերի վաճառքը կսկսվի հունվարին. BTA

Գեղարքունիքում «Կանանց տնտեսական հզորացում Հարավային Կովկասում» ծրագրի շահառու կանայք ստացել են բիզնեսի համար անհրաժեշտ սարքավորումներ

Իրանի զինվորականները հայտնել են Բահրեյնում ամերիկյան ռազմաբազայի վրա գրոհելու մասին

Ադրբեջանցի զինծառայողը Շաքիի բնակարանում 6 կրակոց է արձակել, զենքով սպառնացել երեխաներին. Մուսաևի գործը մուտքագրվել է դատարան

Ծովինար գյուղի նորաստեղծ թաղամասում խմելու ջրատար է կառուցվում

ԱՄՆ ռազմածովային ուժերն ավելի քան 20 ռազմանավ են կենտրոնացրել Մերձավոր Արևելքի շրջանում

Գավառի համայնքապետարանում կազմակերպվել է նոր անտառի ստեղծմանը նվիրված հանրային լսում