1 րոպեի ընթերցում
ԵՐԵՎԱՆ, 9 ՀՈՒՆՎԱՐԻ, ԱՐՄԵՆՊՐԵՍ: Մոսկվայի «Սպարտակ»-ը չի հրաժարվի Յուրա Մովսիսյանի ծառայություններից:
«Մովսիսյանի տեղափոխության վերաբերյալ առաջարկներ եղել են, սակայն ոչ մեկը չընդունվեց ակումի կողմից: Յուրան «Սպարտակ»-ի համար կարևոր ֆուտբոլիստ է, ու ղեկավարությունը մտադրված չէ նրան վաճառել»,- «Արմենպրես»-ի հաղորդմամբ` Մովսիսյանի գործակալի խոսքերը մեջբերում է Championat կայքը:
Գերմանական մամուլը տեղեկացրել էր, ֆուտբոլի ազգային թիմի անդամ Յուրա Մովսիսյանի տեղափոխության համար գերմանական «Վոլֆսբուրգ»-ը պատրաստ էր վճարել 7,5 միլիոն եվրո:
Յուրա Մովսիյանը Մոսկվայի «Սպարտակ» տեղափոխվեց Կրասնոդարի «Կուբան»-ից 2012 թվականին: Մինչ այդ հայազգի ֆուտբոլիստը հանդես է եկել դանիական և ամերիկյան ակումբներում: