1 րոպեի ընթերցում
ԵՐԵՎԱՆ, 20 ԴԵԿՏԵՄԲԵՐԻ, ԱՐՄԵՆՊՐԵՍ: Ադրբեջանի նախկին նախագահ Աբուլֆազ Էլչիբեյի ընտանիքի Բաքվի առանձնատան գազամատակարարումը անջատել են պարտքի պատճառով: Ինչպես հաղորդում է «Արմենպրես»-ը, այս մասին haqqin.az լրատվական կայքին հայտնել է Էլչիբեյի դուստրը:
Նա ասել է, որ այսօր գազի հիմնարկի ծառայողները դադարեցրել են տան գազամատակարարումը` 700 մանաթ պարտք կուտակվելու պատճառով: «Պարտքի մարումը հետաձգելու մասին Ադրբեջանի երկրորդ նախագահի ընտանիքի խնդրանքն արհամարվել է Բաքվի Վորովսկի շրջանի գազի ծառայության աշխատակիցների կողմից, եւ արդյունքում նախկին նախագահի կինը, դուստրը եւ թոռնիկը ձմռան ցրտին մնացել են առանց ջեռուցման», -հայտնում է կայքը: