Երևանյան բեսթսելեր 43. Բանաստեղծությունների նոր ժողովածուն մի քանի օրվա ընթացքում դարձել է բեսթսելեր

ԵՐԵՎԱՆ, 15 ՆՈՅԵՄԲԵՐԻ, ԱՐՄԵՆՊՐԵՍ:«Արմենպրես» լրատվական գործակալության «Երևանյան բեսթսելեր» հեղինակային նախագծի նոր վարկանիշային աղյուսակն այս շաբաթ ներառել է մեկ նոր գիրք: Այն շաբաթվա վարկանիշային աղյուսակի առաջատարն է: Ժամանակակից գրող Ավագ Եփրեմյանի «Վարք. սևագրություն» բանաստեղծությունների ժողովածուն, որը տպագրել է «Անտարես» հրատարակչությունը, մեկ շաբաթվա ընթացքում դարձել է բեսթսելեր:

Երկրորդ հորիզոնականում մոսկվաբնակ հայ ժամանակակից գրող Մարկ Արենի «Այնտեղ, որտեղ ծաղկում են վայրի վարդեր» անատոլիական պատմությունն է: Այն իր հետաքրքիր ու պատմական սյուժեով շարունակում է գրավել ընթերցողին ու դառնալ բեսթսելեր: Գիրքը հեղինակի երկրորդ ծավալուն վեպն է, որտեղ նկարագրվում են նախկին թուրք հայատյաց զինվորականի ապրումները: Նա տարեց հասակում պատահաբար լսում է իր մորից միակ հիշողություն մնացած օրորոցայինն ու, երբ հասկանում է, որ այն հայերեն է, մտածում է, որ ծնողներն էլ հայեր են եղել։ Պաշտոնաթող զինվորականն այնուհետև շարունակում է փնտրել հայ ծնողների գերեզմանները` առանց իմանալու, որ իր հայ լինելու լուրն իրականում թյուրիմացություն է:

Բրազիլացի ժամանակակից գրողՊաուլոԿոելյոյի «Ալքիմիկոսը»վեպն այս շաբաթ երրորդ հորիզոնականում է: Այն շարունակում է մեծ հետաքրքրություն վայելել հայ ընթերցողների շրջանում: Գիրքն այսուհետ վաճառվում է նոր` «Բուկինիստ» հրատարակչության տարբերակով: Այս ստեղծագործությունն աշխարհի 117 երկրներում 67 լեզուներով թարգմանված բացառիկ գրքերից է: Վեպը շարունակում է մնալ ամենաշատ վաճառված գիրքը Բրազիլիայում և համարվել Գինեսի ռեկորդակիր: Այն վաճառքի մեծ ցուցանիշ է գրանցել նաև Հայաստանում: «Ալքիմիկոսի»` աշխարհում վաճառված օրինակների քանակը գերազանցում է պորտուգալերեն գրված որևէ այլ գրքի ցուցանիշը:

Չորրորդ հորիզոնականումգերմանացիգրողԲերնհարդ Շլինկի «Ընթերցողը» վեպն է: Այն տպագրության առաջին իսկ օրվանից ուշադրության արժանացավ ընթերցողների կողմից: Դրան, հավանաբար, նպաստեց օնլայն քվեարկությունը: Վեպը ներկայացնում է տասնհինգամյա պատանու և երեսունվեցամյա կնոջ սիրո պատմությունը, որն ընդհատվում է այդ կնոջ անսպասելի անհետացմամբ: Տարիներ անց պատանին, որն արդեն իրավաբանություն էր ուսանում, կնոջը հանդիպում է դատարանում: Պարզվում է, նա հսկիչ է եղել համակենտրոնացման ճամբարում: Վեպում յուրօրինակ ձևով քննարկվում են Հոլոքոստի, նացիոնալ-սոցիալիստական ժամանակների իրողությունները, մեղքի և քավության խնդիրները:

ԲրազիլացիժամանակակիցգրողՊաուլոԿոելյոյիմյուս հայտնի ստեղծագործությունը`«Տասնմեկրոպե»-ն, նույնպես ընդգրկված է վարկանիշային աղյուսակում: Այս շաբաթ այն հինգերորդ հորիզոնականում է: Գիրքը պատմում է Մարիա անունով մի մարմնավաճառի, նրա երազանքների, հասունացման և սիրո մասին: Այն սկսվում Է հեքիաթի պես և հեքիաթի պես Էլ ավարտվում: Անցնելով ամենատարբեր փորձությունների միջով՝ Մարիան ի վերջո հասկանում Է, որ իսկական սեռազգայական վայելքն անհնար Է առանց մարմինների և հոգիների ներդաշնակության, ինչը մարդուն կարող Է պարգևել միայն իսկական սերը:

Վեցերորդ հորիզոնականում կոլումբիացի գրող Գաբրիել Գարսիա Մարկեսի «Վերհիշելով իմ տխուր պոռնիկներին»վիպակն է: Այն 2010 թ. ռուսերենից թարգմանել է Հովհաննես Այվազյանը: Երկը լայն ճանաչում է գտել Հայաստանում` շատ հաճախակի հայտնվելով բեսթսելերների շարքում:

«Երևանյան բեսթսելերի» ցանկում ֆրանսիացի գրողԱնտուանդըՍենտԷքզյուպերիի «Փոքրիկիշխանը»ստեղծագործությունն այս շաբաթ զբաղեցնում է յոթերորդ հորիզոնականը: Այն հրատարակվել է 1943 թ. և համարվում է Էքզյուպերիի ամենահայտնի ստեղծագործությունը: Գիրքը տպագրել է «Անտարես» հրատարակչությունը, որը գրողի ժառանգներից ստացել է տպագրության հեղինակային իրավունք 700 օրինակի համար: Ստեղծագործությունը թարգմանվել է ավելի քան 190 լեզուներով և վաճառվել ավելի քան 80 միլիոն տպաքանակով:

Ութերորդ հորիզոնականում Գաբրիել Գարսիա Մարկեսի «100 տարվա մենություն» և «Նահապետի աշունը» ստեղծագործությունները մեկտեղող գիրքն է, որին հաջորդում է թուրք ժամանակակից գրող Էլիֆ Շաֆակի «Ստամբուլի բիճը» վեպն է: Հեղինակը գրքում վեր է հանում թուրք հասարակության բազմաթիվ ներքին խնդիրներ, որոնց թվում կարևորագույն տեղ է զբաղեցնում Հայոց մեծ եղեռնը` որպես թուրքի հոգեբանության չհաղթահարվող բարդույթ: Ինչպես բնորոշ է Թուրքիային, գրքի հրապարակումից հետո երկրում դատավարություն է սկսվում հեղինակի դեմ` հայտնի 301 հոդվածի համաձայն` թրքությունը վիրավորելու համար: Ողջ դատավարության ընթացքում Թուրքիայում վեպն արգելված է եղել, իսկ երբ հեղինակը շահել է դատը, վաճառքի հնարավորություն է ստացել: Գիրքը Թուրքիայում կա և վաճառվում է, սակայն մինչ վաճառքի հանվելը բազմաթիվ արգելանքների միջով է անցել: Դա է պատճառը, որ այն տեղ է գտել «Անտարես» հրատարակչության «Արգելված գրքեր» մատենաշարում:

Գործակալության վարկանիշային աղյուսակը եզրափակում է հայ ժամանակակից գրողԳուրգենԽանջյանի «Ենոքիաչքը» ստեղծագործությունը: Այն պատմում է երկու եղբայրների` պրագմատիկ Գոռի և զգացմունքային Գրոֆոյի կյանքի մասին: Կյանքի հետ հնարավոր եզրեր գտնելու և նաև անհաղթահարելի պայքարն ավելի սրելու համար հեղինակը եղբայրներից մեկին «օժտում է» արտաամուսնական որդու դաժան ճակատագրի բարդույթով, ինչն էլ չափազանց սրում է վեպի ներքին և խիստ հոգեբանական կառուցվածքը:

Հարցումներին մասնակցել են «Նոր գիրք» (093-60-40-64), «Նոյյան տապան» (56-81-84), «Հայ Գիրք» («Մեկ պրինտ») (58-30-59), «Բյուրոկրատ» (50-01-52), «Բուկինիստ» (53-74-13), «Արտ Բրիջ» (58-12-84) և «Զանգակ» (23-25-28) գրախանութները: Հարցման ընթացքում հաշվի չեն առնվել մասնագիտական, տեղեկատվական և ուսումնական բնույթի գրքերն ու դասագրքերը:

Տեղ	Փոփ.	Գիրք		Հրատ.	Քանակ
1	Նոր		Ավագ Եփրեմյան «Վարք. սևագրություն»	Անտարես	35
2	+4		Մարկ Արեն «Այնտեղ, որտեղ ծաղկում են վայրի վարդեր»	Տիգրան Մեծ	23
3	-1		Պաուլո Կոելյո «Ալքիմիկոսը»	Բուկինիստ	19
4	*		Բերհնարդ Շլինկ «Ընթերցողը»	Զանգակ
5	*		Պաուլո Կոելյո «Տասնմեկ րոպե»	Գիտանք	15
6	-3		Գաբրիել Գարսիա Մարկես «Վերհիշելով իմ տխուր պոռնիկներին»	ՎԱ-ՀԱ	14
7	-6		Անտուան դը Սենտ Էքզյուպերի «Փոքրիկ իշխանը»	Անտարես	11
8	*		Գաբրիել Գարսիա Մարկես «100 տարվա մենություն» և «Նահապետի աշունը»	Նորք	7
9	*		Էլիֆ Շաֆակ «Ստամբուլի բիճը»	Անտարես	6
10	*		Գուրգեն Խանջյան «Ենոքի աչքը»	Անտարես	5

Աստղանիշով նշված գրքերը ցանկ վերադարձածներն են:

«Երևանյան բեսթսելլեր»-ը ներկայացրեց Ռուզաննա Մովսիսյանը