1 րոպեի ընթերցում
ԵՐԵՎԱՆ, 9 ՀՈԿՏԵՄԲԵՐԻ, ԱՐՄԵՆՊՐԵՍ: Հայաստանի շախմատի տղամարդկանց հավաքականի առաջատար Լևոն Արոնյանը «Մեծ սաղավարտ»-ի հաջորդ մրցափուլում ուժերը կչափի Մայքլ Ադամսի հետ:«Արմենպրես»-ի հաղորդմամբ` իսպանական Բիլբաո քաղաքում անցկացվող «Մեծ սաղավարտ»-ի մրցաշարի 3-րդ տուրում Արոնյանը սպիտակներով կխաղա Մայքլ Ադամսի հետ: Մյուս զույգը կլինի Մաքսիմ Վաշիե-Լագրավ-Շախրիյար Մամեդյարովը:
Երկրորդ տուրից հետո մրցաշարային աղյուսակը գլխավորում է Մայքլ Ադամսը, ով ունի 4 միավոր: Արոնյանը և Մամեդյարովը ունեն 2-ական միավոր, իսկ Վաշիե Լագրավն` ընդամենը մեկ:
Իսպանիայի Բիլբաո քաղաքում անցկացվող «Մեծ սաղավարտ»-ի մրցաշարը մեկնարկել է հոկտեմբերի 7-ին և կավարտվի 13-ին: