Հեղինակավոր Billboard ամսագիրը հրապարակել է «Տարվա կնոջ» անունը

ԵՐԵՎԱՆ, 17 ՍԵՊՏԵՄԲԵՐԻ, ԱՐՄԵՆՊՐԵՍ: Հեղինակավոր ամերիկյան երաժշտական Billboard ամսնագիրը «Տարվա կին» կոչմանը արժանացրել է բրիտանացի երգչուհի Փինկին: Ինչպես հաղորդում է «Արմենպրես»-ը` վկայակոչելով oreanda.ru կայքը, մրցանակը երգչուհուն կշնորհվի հանդիսավոր արարողության ժամանակ, դեկտեմբերի 10-ին:

Անցյալ տարվա ընթացքում Փինկի «The Truth About Love» երաժշտական ալբոմը երգչուհու ստեղծագործական գործունեության ընթացքում առաջին անգամ գլխավորել է Billboard-ի վարկանիշային աղյուսակը: Փինկի նախորդ տարվա ընթացքում գրանցած հաջողությունների թվում հրատարակության ներկայացուցիչները նշել են նաեւ նրա` Grammy մրցանակաբաշխությանը «Լավագույն վոկալ փոփ-ալբոմ» անվանակարգում առաջադրվելը: Փինկի ալբոմների վաճառքը կազմել է շուրջ 40 միլիոն օրինակ: