Իրավունք

Ամբաստանյալը շարունակում է Հայրիկյանին սպանելու նպատակ չունենալու պնդումները

4 րոպեի ընթերցում

Ամբաստանյալը շարունակում է  Հայրիկյանին սպանելու նպատակ չունենալու պնդումները

ԵՐԵՎԱՆ, 27 ՕԳՈՍՏՈՍԻ, ԱՐՄԵՆՊՐԵՍ: ԱԻՄ առաջնորդ, նախագահի նախկին թեկնածու Պարույր Հայրիկյանի դեմ մահափորձի կամզակերպման գործով դատական ճառերի փուլում պաշտոնական ճառով հանդես եկավ նաև ամբաստանյալ Խաչատուր Պողոսյանը: «Արմենպրես»-ի փոխանցմամբ` ամբաստանյալը վստահեցրել է, որ նա սպանության նպատակ չի ունեցել: «Ինչպես արդեն ասել ենք, նախագահի մյուս թեկնածու Վարդան Սեդրակյանը Հայրիկյանին վախեցնելու, առավել ևս` սպանելու հանձնարարություն մեզ չի տվել, դա ինձ առաջարկել է Սամվել Հարությունյանը: Նա պլանավորել էր, որ գործողությունն ավարտին հասցնի և Սեդրակյանից գումար պահանջի` սպառնալով, որ հակառակ դեպքում մեղքը նրա վրա կգցի»,- ասաց ամբաստանյալ Խաչատուր Պողոսյանը:

Ամբաստանյալը պնդեց, որ իր կնոջ մոր` Կարինե Էլչակյանի դատարանում Վարդան Սեդրակյանի դեմ տված ցուցմունքն իրականությանը չէր համապատասխանում: Նա նշեց, որ իրենք նախնական պայմանավորվածություն են ունեցել, և Կարինեն ասել է այն, ինչ իրենից պահանջել է Խաչատուրը: «Եթե անհրաժեշտություն կա, նրանից կրկին ցուցմունք վերցրեք: Իսկ ինչ վերաբերում է Հայրիկյանին մահացու վնաս հասցնելուն, ապա դա անհնարին է, քանի որ եթե ես ունենայի նման ցանկություն, ես այն իրագործելու հնարավորությունն ու ժամանակն ունեի: Հայրիկյանը պնդում է, որ ես սպանելու ցանկություն եմ ունեցել: Եթե մենք դեպքի վայրում մենակ ենք եղել, նա ինչպես կարողացավ այդ ծայրահեղ պահին հետախուզել իմ ուղեղն ու հասկանալ, թե ես ինչ նպատակներ ունեմ»,- նշեց նա:

Պողոսյանին վրդովմունք է պատճառում նաև այն հանգամանքը, որ նախաքննության ու դատավարության ժամանակ քննչական փորձաքննություն չի կատարվել` ցույց տալու համար, թե ինչպես է կրակել, որ դիրքից և այլն: Քննության ժամանակ չի կատարվել նաև ճանաչողական ոչ մի գործողություն, առերեսումն ընդհատվեց` նշելով, որ կշարունակվի, սակայն, նրա խոսքով, այդպես էլ անավարտ մնաց: «Ինչու է դատախազը հակված հավատալու մեր առաջին ցուցմունքներին, թե իբր Սեդրակյանն է պատվիրել: Սակայն չի հավատում, որ սպանելու նպատակ չենք ունեցել: Ինձ զարմացրեց մեղադրողի ճառն այն մասին, որ ես չեմ կարողացել իմ նպատակն ավարտին հասցնել: Ես չեմ վախեցել բնակիչների աղմուկից, դա չի համապատասխանում իրականությանը: Դատարանում հնչեց նաև, որ ես շփոթված փախել եմ և չեմ մոտեցել Սամվել Հարությունյանին, ով իմ մեքենայով ինձ էր սպասում, այլ գնացել եմ 71 դպրոցի մոտ»,- շեշտեց ամբաստանյալ Պողոսյանը` խնդրելով հանցանքը գնահատել ոչ թե դատախազի ասածների, այլ իրականության հիման վրա:

Դատական նիստի ժամանակ ամբաստանյալ Սամվել Հարությունյանի դատապաշտպան Գայանե Գալոյանը պաշտոնական ճառով հանդես չեկավ: Այսպիսով դատական նիստը հետաձգվեց: Հաջորդ նիստը տեղի կունենա սեպտեմբերի 4-ին` ժամը 15:00-ին:

Կենտրոն և Նորք-Մարաշ վարչական շրջանների ընդհանուր իրավասության դատարանում ԱԻՄ առաջնորդ, նախագահի նախկին թեկնածու Պարույր Հայրիկյանի դեմ մահափորձի գործով դատական նիստերի ժամանակ դատարանը լսել է վկաներին և տուժող Պարույր Հայրիկյանին: Ցուցմունք են տվել նաև Հայրիկյանի ընտանիքի անդամները, հարևաններն ու մեղադրյալների հարազատները:Հունիսի 17-ի դատական հերթական նիստի ժամանակ ցուցմունք տվեց նաև ամբաստանյալ Վարդան Սեդրակյանը, ով, սակայն, չի ընդունում իրեն առաջադրված մեղադրանքը: Իսկ վերջին դատական նիստերի ժամանակ ամբաստանյալները հայտարարել են, որ Սեդրակյանը մահափորձի գործին որեւէ առնչություն չունի:

Կոտայքի մարզում մի խումբ մարդիկ ոստիկանների նկատմամբ բռնություն են գործադրել. 6 անձ ձերբակալվել է

Իրավունք

Կոտայքի մարզում մի խումբ մարդիկ ոստիկանների նկատմամբ բռնություն են գործադրել. 6 անձ ձերբակալվել է

41-ամյա տղամարդը Երևանի բնակչուհուն մեկ տարի ենթարկել է սեռական շահագործման. ՔԿ-ն մանրամասներ է հայտնում

Իրավունք

41-ամյա տղամարդը Երևանի բնակչուհուն մեկ տարի ենթարկել է սեռական շահագործման. ՔԿ-ն մանրամասներ է հայտնում

ՀՀ կառավարության համար ոստիկանության ոլորտի բարեփոխումները առաջնահերթություն են․ ՆԳ նախարարի տեղակալ

Իրավունք

ՀՀ կառավարության համար ոստիկանության ոլորտի բարեփոխումները առաջնահերթություն են․ ՆԳ նախարարի տեղակալ

2024-2026 թվականների Ոստիկանության բարեփոխումների ծրագիրը կօգնի անձնակազմի համար գրագետ կրթություն ապահովել. Արփինե Սարգսյան

Իրավունք

2024-2026 թվականների Ոստիկանության բարեփոխումների ծրագիրը կօգնի անձնակազմի համար գրագետ կրթություն ապահովել. Արփինե Սարգսյան

ՔԿ-ն մանրամասներ է հայտնում Երևան-Սևան-Իջևան ավտոճանապարհի հյուրանոցում ողբերգական ելքով կրակոցների դեպքի մասին

Իրավունք

ՔԿ-ն մանրամասներ է հայտնում Երևան-Սևան-Իջևան ավտոճանապարհի հյուրանոցում ողբերգական ելքով կրակոցների դեպքի մասին

ՆԳ նախարար Վահե Ղազարյանն աշխատանքային այց է կատարել ՆԳՆ ոստիկանության զորքեր

Իրավունք

ՆԳ նախարար Վահե Ղազարյանն աշխատանքային այց է կատարել ՆԳՆ ոստիկանության զորքեր

Ոստիկանությունը ներկայացրել է մարզերում ուժեղացված ծառայության արդյունքները

Իրավունք

Ոստիկանությունը ներկայացրել է մարզերում ուժեղացված ծառայության արդյունքները

Ապօրինի ծագում ունեցող գույքի բռնագանձման վճռով հօգուտ Հայաստանի նախատեսվում է բռնագանձել ավելի քան 350 մլն դրամի գույք

Իրավունք

Ապօրինի ծագում ունեցող գույքի բռնագանձման վճռով հօգուտ Հայաստանի նախատեսվում է բռնագանձել ավելի քան 350 մլն դրամի գույք

ՀՀ ՔԿ-ն մանրամասներ է հայտնում «Հյուսիսային տերևաթափ» անվանումով ահաբեկչական գործողությունը նախապատրաստելու դեպքի նախաքննության մասին

Իրավունք

ՀՀ ՔԿ-ն մանրամասներ է հայտնում «Հյուսիսային տերևաթափ» անվանումով ահաբեկչական գործողությունը նախապատրաստելու դեպքի նախաքննության մասին

Կարգապահական խախտման հիմքով դադարեցվել են դատավոր Աննա Դանիբեկյանի լիազորությունները

Իրավունք

Կարգապահական խախտման հիմքով դադարեցվել են դատավոր Աննա Դանիբեկյանի լիազորությունները

ՀՀ վարչապետն ընդունել է ԱՄՆ պետքարտուղարի տեղակալին

Քաղաքականություն

ՀՀ վարչապետն ընդունել է ԱՄՆ պետքարտուղարի տեղակալին

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
contact@armenpress.am
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում