Սյունիքի մարզպետի տեղակալն ազատվել է պաշտոնից

ԿԱՊԱՆ, 27 ՕԳՈՍՏՈՍԻ, ԱՐՄԵՆՊՐԵՍ: ՀՀ վարչապետ Տիգրան Սարգսյանի` օգոստոսի 26-ի որոշմամբ Սյունիքի մարզպետի տեղակալ Արա Դոլունցը, իր դիմումի համաձայն, ազատվել է աշխատանքից: Վարչապետին Դոլունցը դիմում ներկայացրել էր օգոստոսի 22-ին:

1998թ.-ից ՀՀԿ անդամ Դոլունցը մարզպետի տեղակալ նշանակվել է 2003թ. հունիսի 11-ից եւ 10 տարի շարունակ աշխատել Սյունիքի նախկին մարզպետ Սուրիկ Խաչատրյանի հետ: Սյունիքի մարզպետի երկու տեղակալներից մեկի պաշտոնը թափուր է: