368.59
Թիվ 38 ընտրատարածքից ԱԺ պատգամավորի 5 թեկնածուներից մեկն ինքնաբացարկի է դիմել
1 րոպեի ընթերցում
ԿԱՊԱՆ, 20 ՕԳՈՍՏՈՍԻ, ԱՐՄԵՆՊՐԵՍ: Սյունիքի մարզի թիվ 38 ընտրատարածքում սեպտեմբերի 29-ին կայանալիք Աժ մեծամասնական ընտրակարգով լրացուցիչ ընտրություններին առաջադրված հինգ թեկնածուներից մեկը` անկուսակցական Տիգրան Սարգսյանն, օգոստոսի 20-ին ինքնաբացարկի դիմում է ներկայացրել ընտրատարածքային ընտրական հանձաժողով: Այս մասին «Արմենպրես»-ին տեղեկացրել է թիվ 38 ԸԸՀ-ի քարտուղար Ռամելա Հակոբյանը:
Տիգրան Սարգսյանն ինքնառաջադրվել էր եւ որպես պատգամավորի թեկնածու դեռեւս չէր գրանցվել հանձնաժողովի կողմից: Այսպիսով, Կապանի եւ Մեղրիի տարածաշրջաններն ընդգրկող թիվ 38 ընտրատարածքից ԱԺ պատգամավորի համար պայքարը շարունակում են ՀՀԿ-ից առաջադրված Արմեն Կարապետյանը, «Ժառանգություն»-ից` Սամվել Հայրապետյանը, ինքնաառաջադրվածներ Պավլիկ Սարգսյանն ու Վահրամ Հովհաննիսյանը:
Բաժանորդագրվեք մեր ալիքին Telegram-ում