Լոս Անջելեսի հայկական համայնքը հզոր քաղաքական ուժ դառնալու լուրջ հեռանկարներ ունի. City Watch
2 րոպեի ընթերցում
ԵՐԵՎԱՆ, 25 ՀՈՒՆԻՍԻ, ԱՐՄԵՆՊՐԵՍ: ԱՄՆ Լոս Անջելեսի հայկական համայնքըլուրջ հեռանկարներ ունի դառնալու տարածքի հզորագույն ընտրազանգվածը, որի դիրքորոշումը կարող է վճռորոշ դեր ունենալ տեղական և ազգային ընտրությունների ելքի վրա:Ինչպես հաղորդում է «Արմենպրես»-ը, այս մասին գրում է Լոս ԱնջելեսիCity Watchտեղեկատվական կայքը:
«Շատերի համար Լոս Անջելեսի կես միլիոն հայ բնակչությունը «ոսկու հանք» է դիտվում ընտրությունների ժամանակ, որն էական ազդեցություն կարող է ունենալ տեղական ընտրությունների ելքի վրա»,- գրում է պարբերականը:
Մոտենում է Հայոց ցեղասպանության 100-ամյա տարելիցը, ինչպես նաև առաջիկայում ԱՄՆ-ում սպասվում են տեղական, պետական և ազգային կարևորընտրություններ:Սեփական ուժերի և կարողությունների ճիշտմոբիլիզացման շնորհիվ, այն է` համայնքի կազմակերպում, ընտրողների գրանցում, հայ համայնքը հնարավորություն ունի ազդելու ԱՄՆԿոնգրեսի կամ նախագահի վրա`հայերին առնչվողառանցքային հարցերի լուծման գործում, մասնավորապես` Հայոց ցեղասպանության պաշտոնական ճանաչման,Լեռնային Ղարաբաղի հակամարտության խաղաղ ու արդարացի լուծման վրա` հիմնված հայ բնակչության ինքնորոշման իրավունքի վրա:
Սակայն լուրջ խոչընդոտ է ամերիկահայության շրջանում առկա մասնատվածությունը: «Լոս Անջելեսում և նրա սահմաններից դուրս հայկական համայնքները ներքին խմբավորումներ ունեն, ինչն ակնհայտորեն դրսևորվեց մայիսյան ընտրությունների ժամանակ: Ուստի կենտոնական խնդիրներն այն է, թե արդյոք հայկական խմբավորումները կկարողանան հաղթահարել իրենց միջև առկա տարաձայնությունները և անձնական շահերի բախումները հանուն ընդհանուր փոխհամագործակցության` հօգուտ ազգային շահերի»,- պարզաբանում է կայքը:
Նշվում է, որ նախկինում հայաստանցի ներգաղթյալները ներգրավված չեն եղել քաղաքական և հասարակական կյանքին: Սա բացատրելի է նաև Խորհրդային Միության և ամերիկյան քաղաքական և հասարակական համակարգերի կառուցվածքային տարբերություններով: