2 րոպեի ընթերցում
ԵՐԵՎԱՆ, 10 ՀՈՒՆԻՍԻ, ԱՐՄԵՆՊՐԵՍ: «Պատանի պարողների Եվրատեսիլ 2013» միջազգային մրցույթի մասնակիցների հերթականությունը որոշված է: Հունիսի 14-ին Լեհաստանի Գդանսկ քաղաքում կայանալիք մրցույթը կմեկնարկի Հայաստանի պատվիրակ 17-ամյա Վահագն Մարգարյանը: Ինչպես հաղորդում է «Արմենպրես»-ը` վկայակոչելով մրցույթի պաշտոնական կայքը, շոուն կեզրափակվի Գերմանիայի ներկայացուցիչ Ֆելիք Բերնինգի ելույթով:
Երկրները ելույթ կունենա հետեւյալ հերթականությամբ
- Հայաստան
- Բելառուս
- Նիդեռլանդներ
- Շվեդիա
- Ուկրաինա
- Չեխիա
- Լեհաստան
- Նորվեգիա
- Սլովենիա
- Գերմանիա
Ելույթներից հետո ժյուրին կորոշի երզափակիչ անցած երկու մասնակիցներին:Լեհաստանի Գդանսկ քաղաքում հունիսի 8-ին տեղի է ունեցել«Պատանի պարողների Եվրատեսիլ 2013» միջազգային մրցույթիբացման պաշտոնականարարողությունը:
Մարգարյանը մրցույթում կներկայացնի «Փակուղի» անվանումով մենապար. բեմականացման մեջ ներկայացված է անելանելի իրավիճակ, որից պարողը չի կարողանում դուրս գալ փակուղու պատճառով: Վահագնը առաջին ագամ է մասնակցում միջազգային մրցույթի եւ իր համար մեծ պատասխանատվություն է համարում այն, քանի որ ներկայացնելու է ոչ միայն իրեն, այլեւ` Հայաստանը: Հայկական բեմադրության համար երաժշտությունը հեղինակել է Օտտո Բուբենչիկը, ով Իրժի եղբոր հետ բավական հայտնի են երաժշտական աշխարհում: Երաժշտության մեջ կհնչի դուդուկ, ջութակ:
Համաձայն մրցույթի կանոնադրության` բեմադրությունը կունենա մեկ ու կես րոպե տեւողություն: Մասնակիցները հանդես կգան նաեւ խմբակային պարով, որը բեմադրվելու է հենց այնտեղի խորեոգրաֆի կողմից, միայն եզրափակիչ անցած պարողներին կսպասվի նաեւ իմպրովիզի փուլը, որտեղ գնահատելի կլինի շուտ կողմնորոշվելու ունակությունը եւ տարբեր ոճերում հանդես գալու կարողությունը:
Հայաստանը մրցույթին մասնակցում է առաջին անգամ:Հունիսի 14-ին ժամը 22:00-ին «Պատանի պարողների Եվրատեսիլ 2013»-ը կհեռարձակվի Հայաստանի հանրային հեռուստաընկերության ուղիղ եթերում: Մրցույթը բոլոր ցանկացողների համար հասանելի կլինի նաեւ վիրտուալ տիրույթում` մրցույթի պաշտոնական կայքում։