1 րոպեի ընթերցում
ԵՐԵՎԱՆ, 3 ՀՈՒՆԻՍԻ, ԱՐՄԵՆՊՐԵՍ: ՀՀ մարդու իրավունքների պաշտպան Կարեն Անդրեասյանն ընդունել է Հայաստանում Շվեյցարիական Համադաշնության արտակարգ և լիազոր դեսպան Կոստանտին Օբոլենսկուն: Ինչպես «Արմենպրես»-ին տեղեկացրին ՀՀ մարդու իրավունքների պաշտպանի աշխատակազմից, պաշտպան Անդրեասյանն ու դեսպան Օբոլեսնկին բարձ են գնահատել վերջին երկու տարիներին հաստատված համագործակցային և բարեկամական հարաբերությունները: Իր խոսքում դեսպան Օբոլենսկին բարձր է գնահատել Օմբուդսմենի աշխատակազմի գործունեությունը Հայաստանում՝ նշելով, որ Պաշտպանի ակտիվ գործունեությունը նպաստում է Հայաստանում մարդու իրավուքների ամրապնդմանը: Հանդիպմանվերջում Կարեն Անդրեասյանը շնորհակալություն է հայտնել դեսպանին համատեղ ծրագրերի իրականացման և արդյունավետ համագործակցության համար: