Մեսին բժշկական հետազոտություն կանցնի վնասվածքի պատճառով

ԵՐԵՎԱՆ, 13 ՄԱՅԻՍԻ, ԱՐՄԵՆՊՐԵՍ: Բարսելոնայի հարձակվող Լեոնել Մեսին ենթածնկային հոդի վնասվածքի պատճառով ստիպված կլինի բժշկական հետազոտություն անցնել: Ինչպես հաղորդում է «Արմենպրես»-ը` վկայակոչելով korrespondent.net-ը, վնասվածքը ֆուտբոլիստին թույլ չի տվել ավարտել Ատլետիկոյի հետ խաղը: Մեսին խաղադաշտը լքել է խաղի 67-րդ րոպեին` թիմին թողնելով 10 հոգով, քանի որ բոլոր փոխարինումներն արդեն կատարված էին: «Մենք լավագույն լուծումն ենք ընտրել: Մեսին իրեն լավ էր զգում, բայց ցավը կարող է սկսվել ցանկացած պահի: Դա սովորական բան է, երբ խոսքը մկանային վնասվածքների մասին է»,- ասել է կատալոնացիների գլխավոր մարզիչ Տիտո Վիլանովան:

Մեսին առաջին անգամ կոնքի մկանները վնասել է Չեմպիոնների լիգայի քառորդ եզրափակիչում՝ Փարիզում: Այդ ժամանակվանից ի վեր հարձակվողն ամբողջությամբ չի բուժվել: