Հայաստանի Զինված ուժերում տարեցտարի նվազում են մահվան դեպքերը

3 րոպեի ընթերցում

ԵՐԵՎԱՆ, 14 ՄԱՐՏԻ, ԱՐՄԵՆՊՐԵՍ: Հայաստանի Հանրապետության Զինված ուժերում նվազել են մահվան դեպ­քերը: Ինչպես «Արմենպրես»-ի հետ զրույցում ասաց ՀՀ Պաշտպանության նախարարության մամուլի քարտուղար Արծրուն Հովհաննիսյանը, նախորդ տարիների համեմատությամբ` տարբերությունն ակնհայտ է: «2011թ-ին հանրապետության Զինված ուժերում գրանցվել է մահացության 34 դեպք, ինչը նախորդ տարի նվազել է` հասնելով 29-ի, որից 9-ը մահվան դեպքը հակառակորդի կողմից արձակված գնդակից էր»,-ասաց Արծրուն Հովհաննիսյանը: Նա տեղեկացրեց նաև, որ իրենց առջև դրված առաջնային գերխնդիրը մահացությունների թիվը հնարավորինս կրճատելն է և հասցնելը զրոյական մակարդակի: «Այդ ուղղությամբ արվում է ամեն ինչ, իսկ Պաշտպանության նախարարությունը միշտ հետևողական քայլեր է ձեռնարկում, որպեսզի հանցավորության դեմ պայքարն առավել արդյունավետ լինի»,-ասաց Հովհաննսիսյանը և ավելացրեց, որ մշակվում և կիրառվում են կարգապահական նորմացույցեր, անվտանգության կանոնները չխախտելու համար անցկացվում են կանխարգելիչ միջոցառումներ, համակարգն ավելի է խստանում:

ՊՆ մամուլի քարտուղարը վստահեցրեց նաև, որ դա շատ գլոբալ խնդիր է, ինչի լուծումը ոչ միայն կարգապահության, այլև մի շարք այլ խնդիրների մեջ է: «Մահացությունների թվի կարճատման հիմքում ընկած է նաև ՊՆ-ի հետևողականությունն ու օրենքի հավասարաչափ կիրառումը: Ցանկացած իրավախախտման դեպքում զինվորը պետք է իմանա, որ ինչպես բոլորը, ինքը նույնպես, կպատժվի օրենքի խստությամբ»,-վստահեցրեց նա:

Մարդու իրավունքների պաշտպան Կարեն Անդրեասյանը ևս հաստատեց տարբերությունը նախորդ տարիների համեմատությամբ: Դեպքերի տարեցտարի նվազումը կապված է ոլորտում կանոնադրային հարաբերությունների և վերահսկողության խստացման հետ: «Զինծառայողների կողմից կանոնագրքային պահանջների և կանոնադրական փոխհարաբերությունների խախտման դեպքերը կանխարգելելու նպատակով իրականացվել են պրոֆիլակտիկ և կանխարգելիչ բնույթի միջոցառումներ»,-ասաց Կարեն Անդրեասյանը: Նա տեղեկացրեց նաև, որ 2012թ-ին մահացություններից 6-ի պատճառը եղել է հիվանդությունը:

2012թ-ին ՀՀ զինված ուժերում արձանագրված զինվորական հանցագործությունները 2011թ-ի համեմատությամբ նվազել են 21.2 տոկոսով, իսկ 2010թ-ի համեմատությամբ նվազումը կազմում է ավելի քան 30 տոկոս: Զինվորական ծառայություն կրելու կարգի դեմ ուղղված հանցագործությունները, որոնք զինվորական հանցագործությունների ընդհանուր թվում կազմում են ավելի քան 30 տոկոսը, նվազել են 26.7 տոկոսով, հատուկ ծառայությունների կրման կարգի դեմ ուղղված հանցագործությունները` 24.1 տոկոսով:

Հայերեն Русский

Վաղը պաշտոնապես կազդարարենք ԹՐԻՓՓ նախագծի մեկնարկը․ Նիկոլ Փաշինյան

Երևանը կընդունի բասկետբոլի Մ16 տարեկանների ԵԱ-ն

ՀՖՖ նախագահի թեկնածուները երկուսն են

«ՀՀ վարչապետի գավաթ» մրցաշարի նպատակներից է առողջ և ազնիվ մրցակցությունը երեխաների շրջանում խթանելը. Փաշինյան

«Հայաստանի AI հնարավորությունը. գաղափարից՝ գործողություն» խորագրով քննարկում

Տելեկոմից մինչև ֆինտեխ, էներգետիկա, լոգիստիկա և ավելին. Team Group-ը Digitec-ում թվային նոր լուծումներ ու հարթակներ է ներկայացնում

Երևանի լողի թիմերը հաղթեցին «ՀՀ վարչապետի գավաթ» դպրոցականների մրցաշարում

Նախարարը հաջողություն է մաղթել դպրոցականների լողի մրցաշարի եզրափակիչ փուլի մասնակիցներին

Հայկ Մարտիրոսյանը «Total Chess World Championship Tour Pilot 2026»-ում զբաղեցրել է 9-րդ հորիզոնականը

ԱրարատԲանկը տեղաբաշխելու է «Ֆարմ Կրեդիտ Արմենիայի»՝ Հայաստանում առաջին սոցիալական պարտատոմսերը