3 րոպեի ընթերցում
ԵՐԵՎԱՆ, 7 ՄԱՐՏԻ, ԱՐՄԵՆՊՐԵՍ: Հայաստանում հավատում ենԼեւոն Արոնյանի հաղթանակին ՖԻԴԵ-ի աշխարհի չեմպիոնի հավակնորդների մրցաշարում:Շախմատային գերտերությունում մեծապես արժեւորվող խաղի վարպետներն«Արմենպրես»-ի հետ զրույցումգնահատում են գրոսմայստեր Լեւոն Արոնյանի հնարավորությունները:Հայաստանի շախմատի ֆեդերացիայի նախագահի առաջին տեղակալ Սմբատ Լպուտյանը նշեց, որ մեր ուժեղագույն շախմատիստի հետ մեծ հույսեր են կապում: «Լեւոնը կարող է հաղթել հավակնորդների մրցաշարում»,- ասաց Հայաստանի շախմատի ակադեմիայի տնօրեն Լպուտյանը:
Հայաստանի գործող չեմպիոն Տիգրան Պետրոսյանը համակարծիք է ավագ ընկերոջ հետ. «Մրցաշարում հիմնական պայքարը գնալու է Արոնյանի եւ Կարլսենի միջեւ: Չեմ թերագնահատում մյուս մասնակիցներին, սակայն լավագույնները հենց նրանք են լինելու: Լեւոնը միշտ հաջող է խաղում մրցաշարերի երկրորդ շրջանում: Արդեն հայտնի է, որ առաջին տուրում Արոնյանը կխաղա Կարլսենի հետ` սպիտակներով: Վստահ եմ, նա չի պարտվի, իսկ արդեն երկրորդ շրջանում ավելի վստահ հանդես կգա»:
Իսկ հոգեբան, Հայաստանի շախմատի ֆեդերացիայի նախագահության անդամ Ռուբեն Աղուզումցյանը նշեց, որ նման մրցաշարերում գլխավորը ոչ միայն գրոսմայստերների շախմատային տակտիկան է, այլ նաև շախմատիստի տրամադրությունը եւ ֆիզիկական վիճակը:«Լեւոնն այս մրցաշարին հրաշալի կերպով է նախապատրաստվել եւ Ջերմուկում, եւ Ծաղկաձորում: Այդ հավաքներում նա փայլուն արդյունքներ ցույց տվեց: Յոթ մասնակցիների հետ խաղում կարեւորում եմ Լեւոնի տրամադրությունը եւ ֆիզիկական վիճակը, որը գերազանց ու կայուն է»,-ավելացրեց Աղուզումցյանը:
ՖԻԴԵ-ի աշխարհի չեմպիոնի հավակնորդների մրցաշարը կմեկնարկի Լոնդոնում մարտի 14-ին եւ կավարտվի ապրիլի 1-ին: Մրցաշարին մասնակցում են 8 գրոսմայստերը` Լեւոն Արոնյան (Հայաստան), Մագնուս Կարլսեն (Նորվեգիա), Բորիս Գելֆանդ (Իսրայել), Ալեքսանդր Գրիշչուկ (Ռուսաստան), Վասիլի Իվանչուկ (Ուկրաինա), Վլադիմիր Կրամնիկ (Ռուսաստան), Թեմուր Ռաջաբով (Ադրբեջան) եւ Պետեր Սվիդլեր: Առաջին տուրում միմյանց հետ կմրցեն Լեւոն Արոնյան-Մագնուս Կարլսեն, Պետեր Սվիդլեր-Վլադիմիր Կրամնիկ, Բորիս Գելֆանդ-Թեյմուր Ռաջաբով, Վասիլի Իվանչուկ-Ալեքսանդր Գրիշչուկ զույգերը: