398.74
Մեքսիկական քաղաքում արգելվել է մինի շրջազգեստ կրելը
1 րոպեի ընթերցում
ԵՐԵՎԱՆ, 28 ՓԵՏՐՎԱՐԻ, ԱՐՄԵՆՊՐԵՍ: Մեքսիկական Սյուդադ- Ակունյա քաղաքում արգելվել է մինի շրջազգեստ կրելը եւ տուգանք է սահմանվել այն տղամարդկանց համար, ովքեր կարող են հայտնվել կանացի հագուստով: Ինչպես հաղորդում է «Արմենպրես»-ը` վկայակոչելով ռուսական լրատվամիջոցները, քաղաքի անվտանգության ծառայության ղեկավար Խավիեր Ագուայո ի Կամարգոն օրինակ է բերել, որ մինի շրջազգեստներով կանայք մարմնավաճառությամբ են զբաղվում, նրանց պատճառով կռիվներ են տեղի ունենում, այդպիսիք նույնիսկ մասնակցում են մարդկանց առեւանգմանը: Իսկ կանացի հագուստներով տղամարդիկ կարող են խոչընդոտել ոստիկանության գործունեությունը, քանի որ դժվար է բացահայտել նրանց ինքնությունը:
Մինի շրջազգեստներն արգելվել են բարոյական նորմերըպահպանելու, ինչպես նաեւ տարբեր տեսակի հանցագործություններկանխելու հիմնավորմամբ:
Բաժանորդագրվեք մեր ալիքին Telegram-ում