1 րոպեի ընթերցում
ԵՐԵՎԱՆ, 19 ՓԵՏՐՎԱՐԻ, ԱՐՄԵՆՊՐԵՍ: Ադրբեջանի իշխող «Ենի Ազերբայջան» կուսակցության գործադիր քարտուղարի տեղակալ Սիյավուշ Նովրուզովը հանդես է եկել հերթական ռասիստական հայտարարությամբ:
Ինչպես հաղորդում է «Արմենպրես»-ը, moderator.az լրատվական կայքի այն հարցին, թե 600 հազար անդամ ունեցող Ադրբեջանի իշխող կուսակցության կազմում հայեր կան, թե ոչ, Նովրուզովն ասել է, որ իրենք հայերին չեն ընդունում իշխող կուսակցության շարքերը: «Կուսակցության շարքերում կան ռուսներ, թալիշներ, ավարներ եւ այլ ժողովուրդների ներկայացուցիչներ: Բայց մենք հայերին չենք ընդունում մեր կուսակցության շարքերը: Կուսակցության շրջանային եւ քաղաքային բաժանամունքներ նման դիմումներ ներկայացվել են, բայց դրանք մերժվել են: Այսօր մեր կուսակցության շարքերում ոչ մի հայ չկա», -հպարտությամբ հայտարարել է Նովրուզովը:
Ադրբեջանի իշխող կուսակցության բարձրաստիճան գործիչն իր այդ խոստովանությամբ մեկ անգամ եւս փաստել է պաշտոնական Բաքվի կողմից հորինված «Բաքվում 30 հազար հայեր լինելու» մասին առասպելը: