Երևանյան բեսթսելլեր 4. «Արմենպրես»-ը շարունակում է ներկայացնել ամենաշատ գնված գրքերի ցանկը
4 րոպեի ընթերցում
ԵՐԵՎԱՆ, 8 ՓԵՏՐՎԱՐԻ, ԱՐՄԵՆՊՐԵՍ:«Երևանյան բեսթսելլեր»-ն արդեն երկրորդ շաբաթն է` գլխավորում է Համբարձում Գալստյանի «Չուղարկված նամակներ» հուշագիրքը` նվիրված Ղարաբաղյան շարժման 25-ամյակին: Երկրորդ տեղում Ժամանակակից գրող Նելլի Շահնազարյանի «Ընտրանի»-ն է: «Արմենպրես»-ի իրականացրած հարցումների արդյունքում ամենաշատ գնված գրքերի երրորդ հորիզոնականում Գրիգոր Նարեկացու «Մատյան ողբերգության» պոեմն է: Նարեկացուն հաջորդում է Հովհաննես Թումանյանի «Հեքիաթներ»-ը: Այն երկու հորիզոնականով զիջել է իր դիրքերը. անցյալ շաբաթվա ընթացքում զբաղեցնում էր երկրորդ հորիզոնականը: Հինգերորդ հորիզոնականում Լարիսա Գևորգյանի «Երեք օրից հետո կգամ, մամ...» գիրքն է, որը մեր ռեյթինգային ցուցակում ընդգրկվել է առաջին անգամ: Անտուան դը Սենտ Էքզյուպերիի «Փոքրիկ իշխանը», որը զբաղեցնում է վեցերորդ հորիզոնականը: Ամենաշատ գնված գրքերի աղյուսակում Պաուլո Կոելյոյի «Ալքիմիկոսը» արդեն չորրորդ անգամն է: Գիրքը, որն այս անգամ զբաղեցնում է յոթերորդ հորիզոնականը, նախորդում կրկին յոթերորդում էր: Վարկանիշային աղյուսակի ութերորդ հորիզոնականն այս անգամ բաժին է ընկել Հայ ժողովրդական հեքիաթներին, որին հաջորդում է ռուս ժողովրդական հեքիաթ «Մաշան և արջը»: Շաբաթվա բեսթսելլերների ցանկն այս անգամ եզրափակում է Ջորջ Օրուելի «1984»-ը:
«Արմենպրես»-ի բեսթսելլերների գործընկեր գրախանութների շարքին է միացել «Զանգակ» գրատունը:
Այսուհետ «Երևանյան բեսթսելլեր»-ը կհրապարակվի «Գրական թերթ»շաբաթաթերթում:
Ամենաշատ գնված հայերեն գեղարվեստական գրքերի ցանկը պատրաստվել է երևանյան յոթ գրախանութների հետ համագործակցության արդյունքում: Հարցումներին մասնակցել են «Նոր գիրք» (093-60-40-64), «Նոյան տապան» (56-81-84), «Հայ Գիրք» («Մեկ պրինտ») (58-30-59), «Բյուրոկրատ» (50-01-52), «Բուքինիստ» (53-74-13), «Արտ Բրիջ» (58-12-84) և «Զանգակ» (23-25-28) գրախանութները: Հարցման ընթացքում հաշվի չեն առնվել մասնագիտական, տեղեկատվական ու ուսումնական բնույթի գրքերն ու դասագրքերը:«Արմենպրես»-ն ընդլայնելու է հարցումների ցանցը` ներառելով նոր գրախանութներ, տվյալներն առավել համակողմանի ու հետաքրքական դարձնելու նպատակով:
| Տեղ | Փոփ. | Գիրք | Հրատարակչություն | Քանակը | ||
| 1 | +0 |
|
Համբարձում Գալստյան «Չուղարկված նամակներ» |
Գասպրինտ | 42 | |
| 2 | ՆՈՐ | Նելլի Շահնազարյան «Ընտրանի» | Վան Արյան | 25 | ||
| 3 | +0 | Գրիգոր Նարեկացի «Մատյան ողբերգության» |
Նաիրի | 18 | ||
| 4 | -2 | Հովհաննես Թումանյան «Հեքիաթներ» | Արևիկ | 13 | ||
| 5 | ՆՈՐ | Լարիսա Գևորգյան «Երեք օրից հետո կգամ, մամ...» |
Էդիտ Պրինտ | 11 | ||
| 6 | ՆՈՐ | Անտուան դը Սենտ Էքզյուպերի «Փոքրիկ իշխանը» |
Անտարես | 10 | ||
| 7 | +0 | Պաուլո Կոելյո «Ալքիմիկոսը» |
Վան Արյան | 9 | ||
| 8 | ՆՈՐ | Հայ ժողովրդական հեքիաթներ | Արևիկ | 8 | ||
| 9 | ՆՈՐ | Ռուս ժողովրդական հեքիաթ «Մաշան և արջը» | Արևիկ | 7 | ||
| 10 | ՆՈՐ | Ջորջ Օրուել «1984» |
Անտարես | 6 |
«Երևանյան բեսթսելլեր»-ը կազմեց Ռուզաննա Մովսիսյանը