ԱՄՆ Հայ դատի հանձնախումբը ողջունել է Գլենդեյլի քաղաքային խորհրդում Զարեհ Սինանյանի առաջադրումը
1 րոպեի ընթերցում
ԵՐԵՎԱՆ, 12ՀՈՒՆՎԱՐԻ, ԱՐՄԵՆՊՐԵՍ:ԱՄՆ Հայ դատի հանձնախումբը ողջունել է Զարեհ Սինանյանի` Գլենդեյլի քաղաքային խորհրդի անդամի թեկնածու առաջադրվելը:«Արմենպրես»-ի հաղորդմամբ` Հնաձնախմի հաղորդագրությունում նշվում է, որ Սինանյանն անցնող շաբաթվա սկզբին հրաժարվել է Հայ դատի հանձնախմբի արեւմտյան շրջանի տեղական մարմնում գանձապահի պաշտոնից եւ առաջադրվելով քաղաքային խորհրդի անդամության համար` հինգշաբթի օրվանից սկսել է նախընտրական քարոզարշավը:
Սինանյանը 2 տարի եղել է հայկական կառույցի գանձապահը:
«Զարեհը մեծ պատվով ու հավատարմությամբ է ծառայել Ամերիկայի Հայ դատի հանձնախմբին և հայ համայնքին։ Նրա հրաժարականը թեեւ մեծ կորուստ է մեզ համար, սակայն մենք հասկանում եւ լիովին աջակցում ենք այդ որոշմանը»,- նշել է Հյա դատի հանձնախմբի Արեւմտյան շրջանի տեղական մարմնի համանախագահ Նորա Հովսեփյանը։
Գլենդեյլի քաղաքային խորհրդի ընտրությունները կանցկացվեն ապրիլի 2-ին։