1 րոպեի ընթերցում
ԵՐԵՎԱՆ, 10 ՀՈՒՆՎԱՐԻ, ԱՐՄԵՆՊՐԵՍ:Ձնահոսքը հունվարի 10-ին ծածկել է վրաց-ռուսական սահմանին` Տրուսո կիրճում գտնվող«Վերին Լարս»անցակետը: Ինչպես հաղորդում է «Արմենպրես»-ը` վկայակոչելով վրացական «Грузия Online»-ը, համաձայն Վրաստանի ՆԳՆ-ի հաղորդած տեղեկությունների` վրացական ոստիկանությանանցակետի ոստիկաններից ոչ ոք չի տուժել, քանի որ աշխատակիցները ժամանակին տարհանվել են:
Վրացական լրատվամիջոցները փոխանցում են, որոստիկաններն առայժմ չեն կարողանում մոտենալ ավերված անցակետին` ձնահոսքի կրկնության սպառնալիքի պատճառով:
Ավելի վաղ «Արմենպրես»-ը հաղորդել էր, որՎրաստանի ավտոմոբիլային ճանապարհների դեպարտամենտի փոխանցմամբ` հունվարի 9-ից վատ եղանակային պայմանների, առատ ձյան և բքի պատճառով Ստեփանծմինդա-Լարս հատվածներում արգելվել է բոլոր տեսակի ավտոտրանսպորտի երթևեկությունը:ռուս-վրացական սահմանի
Վերին Լարս անցակետում հայկական բեռնատարներ չկան: Այդ մասին հունվարի 9-ին«Արմենպրես»-ի հետ զրույցում ասաց «Հայաստանի միջազգային բեռնափոխադրողների ասոցիացիա»-ի նախագահ Հերբերտ Համբարձումյանը: «Վերին Լարսում հայկական բեռնատարների շարժը կվերսկսվի հունվարի կեսերից»,- ասաց Համբարձումյանը: