Երեսուն հազար մարդ Հռոմի հրապարակում պարել է հանրահայտ Gangnam Style երգի տակ

ԵՐԵՎԱՆ, 12 ՆՈՅԵՄԲԵՐԻ, ԱՐՄԵՆՊՐԵՍ: Հարավկորեացի երգիչ Psy-ի հանրահայտ Gangnam Style երգը հասել է մինչեւ Հռոմ: Ինչպես հաղորդում է «Արմենպրես»-ը` վկայակոչելով ռուսական լրատվամիջոցները, Piazza del Popolo հրապարակում հավաքվել է ավելի քան 30 հազար մարդ` միասին պարելու եւ Գինեսի գրքում ռեկորդ գրանցելու նպատակով: Այն պաշտոնապես ճանաչվել է ֆլեշ մոբ, որին առաջին անգամ են նման մեծ թվով մարդիկ մասնակցել:

Կազմակերպիչները թույլ են տվել բոլորին կանգնել հրապարակի ցանկացած վայրում եւ պարել, եւ որպեսզի երաժշտությունը լսելի լինի նույնիսկ հեռվից, կազմակերպիչները ողջ հրապարակով մեկ սմարթֆոններ են տեղադրել: