1 րոպեի ընթերցում
ԵՐԵՎԱՆ, 8 ՆՈՅԵՄԲԵՐԻ, ԱՐՄԵՆՊՐԵՍ: «Առաքելություն» կուսակցության ստեղծումն աղերս չունի նախագահական ընտրությունների հետ: Այս մասին «Արմենպրես»-ի հաղորդմամբ` նոյեմբերի 8-ին հրավիրված ասուլիսում հայտարարեց «Առաքելություն» կուսակցության նախաձեռնող խումբը` հավելելով, որ մի շարք առաջնային խնդիրների լուծման անհրաժեշտությունը խթան հանդիսացավ կուսակցության ստեղծման համար:Քաղաքական ուժի նախաձեռնող խմբի անդամների խոսքով` պատասխանատվության ստանձնումն անհետաձգելի է, հասունացել է հասարակական-քաղաքական գործունեություն ծավալելու և հասարակության խնդիրների լուծման նպատակով համախմբվելու պահը. համախմբման պատճառներից մեկը պատասխանատվության մեծ զգացումն է:Նախաձեռնող խումբը բաց է համագործակցության ու շահագրգիռ քննարկումների համար: Կուսակցությունն առաջիկայում հանդես կգա հրապարակային գործունեությամբ, հնարավոր համակիրների ու համախոհների հետ հանդիպումներով, կստեղծվեն սկզբնական և տարածքային կառույցներ, այսուհետ կհրիավիրվի հիմնադիր համագումար:
Հայաստանում ներկայումս գրանցված են ավելի քան 7 տասնյակ կուսակցություններ:
