Եվրոպական ֆուտբոլային առաջնությունների ամփոփում

ԵՐԵՎԱՆ, 29 ՀՈԿՏԵՄԲԵՐԻ, ԱՐՄԵՆՊՐԵՍ: Իսպանական «Լա լիգա» 9-րդ տուրը լի էր գոլառատ խաղերով: «Արմենպրես»-ի հաղորդմամբ, թե «Բարսելոնա»-ն եւ թե «Ռեալ»-ը արտագնա խաղերում 5 անպատասխան գնդակ ուղարկեցին իրենց մրցակիցների դարպասները: «Կապտանռնագույնները» ջախջախեցին «Ռայո Վալեկանո»-ին, իսկ «արքայական» ակումբը`«Մալյորկա»-ին: «Բետիս»-ը սեփական հարկի տակ նվազագույն հաշվով հաղթեց «Վալենսիա»-ին: «Սեւիլիա»-ն հյուրընկալվելիս 1-2 հաշվով պարտվեց «Սարագոսա»-ին: Նույն հաշվով Բիլբաոյի «Ատլետիկ»-ը զիջեց «Խետաֆե»-ին: «Լեւանտե»-ն տանը 3-1 հաշվով պարտության մատնեց «Գրանադա»-ին, «Ատլետիկո»-ն` «Օսասունա»-ին: Ոչ-ոքի ավարտվեցին «Էսպանիո»-«Մալագա» (0-0), «Սելթա»-«Դեպորտիվո» (1-1) հանդիպումները: «Լա լիգա»-ի մրցաշարային աղյուսակը գլխավորում են «Բարսելոնա»-ն եւ «Ատլետիկո»-ն` 25-ական միավորներով: Երրորդ տեղում «Մալագա»-ն է, չորրորդում` «Ռեալ»-ը:

Ավարտվեց Անգլիայի ֆուտբոլի ազգային առաջնության 9-րդ տուրը: «Պրեմիեր լիգա»-ն մեկնարկեց «Աստոն Վիլլա»- «Նորվիչ» խաղով (1-1): Ոչ-ոքի ավարտվեցին նաեւ «Ռեդինգ»-«Ֆուլհեմ» (3-3), «Սթոկ Սիթի»-«Սանդերլենդ» (0-0), «Էվերտոն»-«Լիվերպուլ» (2-2) հանդիպումները: «Արսենալ»-ը սեփական հարկի տակ նվազագույն հաշվով հաղթեց «Քուին պարկ Ռենջերս»-ին, իսկ «Մանչեստեր սիթի»-ին` «Սուոնս»-ին: «Ուիգա»-ն տանը 2-1 հաշվով պարտության մատնեց «Վեստ հեմ»-ին: Նույն հաշվով «Տոտենհեմ»-ը զիջեց «Սաուդհեմտոն»-ին: «Նյու Քասլ»-«Վեստ Բրոնվիչ» հանդիպումն ավարտվեց 2-1 հաշվով: Տուրի կենտրոնական հանդիպումը կայացավ «Չելսի»-ում, որտեղ տեղի համանուն թիմը հյուրընկալեց «Մանչեստեր Յունայթեդ»-ին. «սատանաները» շարունակելով իրենց հաղթարշավը` առավելության հասան 2-3 հաշվով: Չնայած կրած այս պարտությանը` «Չելսի»-ի գլխավորում է մրցաշարային աղյուսակը 22 միավորով: Մանչեստերը ներկայացնող երկու ակումբերն էլ ունեն հավասար 21 միավոր եւ զբաղեցնում են երկրորդ ու երրորդ տեղերը:

Իտալական «Սերիա Ա»-ի հիմնական առաջատարները հաղթանակով ավարտեցին 9-րդ տուրը: «Միլան»-ը տանը 0-1 հաշվով հաղթեց «Ջենովա»-ին: Իսկ արդեն «Յուվենտուս»-ը նույն` նվազագույն հաշվով առավելության հասավ «Կատանիա»-ի նկատմամբ: «Բոլոնիա»-ն ուժերը չափեց «Ինտեր»-ի հետ եւ զիջեց 1-3 հաշվով: Նույն հաշվով «Պարմա»-ն ջախջախեց «Տորինո»-ին: «Ֆիորենտինա»-ն երկու անպատասխան գնդակ ուղարկեց «Լացիո»-ի դարպասը: «Սամդորիա»-ն 0-1 հաշվով պարտվեց «Կալյարի»-ին, իսկ «Կիեւո»-ն` «Նապոլի»-ին: Ոչ-ոքի ավարտվեցին «Սիենա»- «Պալերմո» (0-0) եւ «Պեսկարա»- «Ատալանտա» (0-0) խաղերը: «Սերիա Ա»-ի մրցաշարային աղյուսակի առաջատարը «Յուվենտուս»-ն է (25 միավոր), երկրորդ եւ երրորդ տեղերը հաջորդաբար կիսում են «Նապոլի»-ն եւ «Ինտեր»-ը: