2 րոպեի ընթերցում
ԵՐԵՎԱՆ, 25 ՀՈԿՏԵՄԲԵՐԻ, ԱՐՄԵՆՊՐԵՍ: Ամերիկացի դերասանուհի, ֆոտոմոդել, «Keeping Up with the Kardashians»սերիալի մասնակից, գեղեցկուհի Քիմ Քարդաշյանը եւ սեւամորթ ռեփեր Քանյե Ուեսթը նախատեսել են ունենալ 20 մլն արժողությամբ «համեստ» հարսանիք` բասկետբոլիստ Քրիս Համֆրիսի հետ պաշտոնապես ամուսնալուծությունից անմիջապես հետո: Ինչպես փոխանցում է«Արմենպրես»-ը` վկայակոչելով London Evening Standard-ը, Քարդաշյանն արդեն դիմել է հարսանեկան արարողությունների կազմակերպիչներին: Զույգն արդեն ութ ամիս է հանդիպում է: Նրանք վերջերս են վերադարձել Իտալիայից, որտեղ Վենետիկում տոնում էին Քարդաշյանի 32-րդ տարեդարձը:
London Evening Standard-ը նշում է, որ Քարդաշյանի «երազանքների զգեստ»-ը մոդելագործ Yumi Katsura-ի հավաքածուից է եւ արժե 8.5 մլն ԱՄՆ դոլար: Հարսանեկան զգեստը պատված է բնական մարգարիտներով եւ սպիտակ ադամանդներով: Քիմը հայտարարել է, որ շատ է ցանկանում, որպեսզի Բեյոնսեն եւ Սելին Դիոնը երգեն իրենց համար այդքան նշանակալի օրը:
Նախկինում Քարդաշյանը բազմիցս նշել է, որ կցանկանար, որ իր հաջորդ հարսանիքն էապես տարբերվեր առաջինից: Հավանաբար այդպես էլ կլինի: Բասկետբոլիստ Քրիս Համֆրիսի հետ տասնյակ միլիոններ արժողությամբ հարսանեկան արարողությունից հետո Ուեսթի հետ հարսանեկան արարողությունն կարժենա ընդամենը20 մլն դոլար: Հարսանեկան արարողությանը ներկա են լինելու միայն ընտանիքի անդամները եւ զույգի մտերիմ ընկերները: