«Այաքս»-ը խայտառակ պարտություն է կրում «Ռեալ»-ից

ԵՐԵՎԱՆ, 4 ՀՈԿՏԵՄԲԵՐԻ, ԱՐՄԵՆՊՐԵՍ: Ավարտվեցին «Չեմպիոնների լիգա»-ի երկրորդ փուլի, երկրորդ խաղային օրվա հանդիպումները: «Արմենպրես»-ի փոխանցմամբ, հոկտեմբերի 3-ին խաղադաշտ մտան A, B, C, D, խմբերում ընդգրկված ակումբերը:

A խմբում Կիեւի «Դինամո»-ն 2-0 հաշվով հաղթեց Զագրեբի «Դինամո»-ին: «Պորտու»-«ՊՍԺ» խաղում գրանցվեց ընդամենը մեկ գոլ, պորտուգալական թիմից հաղթական գոլի հեղինակ դարձավ Ռոդրիգեսը: Խմբի մրցաշարային աղյուսակը վեց միավորով գլխավորում է «Պորտու»-ն, 3-ական միավորներ ունեն «ՊՍԺ»-ն եւ Կիեի «Դինամո»-ն, Զագրեբի «Դինամո»-ն երկու խաղերի ընթացքում միավոր չունի:

B խմբում «Շալկե»-ն ոչ-ոքի 2-2 խաղաց «Մոնպելյե»-ի հետ, իսկ «Արսենալ»-ը 3-1 հաշվով պարտության մատնեց «Օլիմպիակոս»-ին: Խմբի առաջատարը «զինագործներ»-ն են` վեց միավորով, «Շալկե»-ն եւ «Մոնպելյե»-ն հաջորդաբար ունեն 4 եւ 1 միավոր: «Օլիմպիակոս»-ի հաշվին զրոներ են:

C խմբում «Միլան»-ը արտագնա խաղում 2-3 հաշվով առավելության հասավ «Զենիթ»-ի, իսկ «Մալագա»-ն` «Անդերլեխտ»-ի նկատմամբ (3-0): Խմբի մրցաշարային աղյուսակում առաջատարը «Մալգա»-ն (6) է, երկրորդ եւ երրորդ տեղերը միմյանց հետ հաջորդաբար կիսում են «Միլան»-ն (4) եւ «Անդերլեխտ»-ը (1):

D խմբում «Մանչեստեր Սիթի»-«Բորսուսիա» խաղում թիմերը բավարարվեցին միայն մեկական գնդակներ փոխանակելով (1-1), «Այաքս»-ը սեփական հարկի տակ 1-4 հաշվով խայտառակ պարտություն կրեց «Ռեալ»-ից: Խմբի միանձնյա առաջատարը «Ռեալ»-ն է` 6 միավոր, «Դորտմունդ»-ը ունի 4, իսկ «Մանչեստեր Սիթի»-ն 1 միավոր: «Չեմպիոնների լիգա»-ի երրորդ փուլը կկայանա հոկտեմբերի 22-ին եւ 23-ին: