«Յուվենտուս»-ը եւ «Նապոլի»-ն միմյանց հետ կիսում են առաջին հորիզոնականը

ԵՐԵՎԱՆ, 1 ՀՈԿՏԵՄԲԵՐԻ, ԱՐՄԵՆՊՐԵՍ: Կայացան ֆուտբոլի Իտալիայի առաջնության հերթական տուրի հանդիպումները: «Արմենպրես»-ի հաղորդմամբ, «Սերիա Ա»-ի 6-րդ տուրում գրանցվեցին հետեւյալ արդյունքները. «Պարմա»-ն եւ «Միլան»-ը ոչ-ոքի ավարտեցին իրենց հանդիպումները: «Յուվենտուս»-ը 4-1 հաշվով առավելության հասավ «Ռոմա»-ի նկատմամբ:

Հաշիվը չբացվեց «Ուդինեզե»-«Ջենովա» խաղում: «Ատլանտա»-ն խայտառակ` 5-1, հաշվով պարտություն կրեց «Տորինո»-ից: «Բոլոնիա»-ն չորս անպատասխան գնդակ ուղարկեց «Կատանիա»-ի դարպասը: «Կալյարի»-ն 1-2 հաշվով զիջեց «Պեսկարա»-ին, նույն հաշվով «Լացիո»-ն պարտության մատնեց «Սիենա»-ին, իսկ «Ինտեր»-ը` «Ֆիորենտինա»-ին:

«Պալերմո»-ն չորս գնդակ ուղարկեց «Կիեւ»-ի դարպասը, սեփականն ընդունելով 1-ը: «Սամդորիա»-ն սեփական հարկի տակ նվազագույն հաշվով զիջեց «Նապոլի»-ին: «Սերիա Ա»-ի մրցաշարային աղյուսակը գլխավորում են «Յուվենտուս»-ն եւ «Նապոլի»-ին 16 ական միավորներով: Երրորդ տեղում «Ինտեր»-ն ու «Լացիոն»-ն են` 12-ական միավորներով: