2 րոպեի ընթերցում
ԵՐԵՎԱՆ, 1 ՀՈԿՏԵՄԲԵՐԻ, ԱՐՄԵՆՊՐԵՍ: Ավարտվեցիին իսպանական «Լա լիգա»-ի 6-րդ տուրի հանդիպումները: «Արմենպրես»-ի հաղորդմամբ, տուրի կենտրոնական խաղը կայացավ Մադրիդում, որտեղ «Ռեալ»-ը մրցեց «Դեպորտիվո»-ի հետ: «Արքայական» ակումբի ֆուտբոլիստներին հաջողվեց առավելության հասնել խոշոր` 5-1 հաշվով:
«Վալենսիա»-ն սեփական հարկի տակ երկու անպատասխան գնդակ ուղարկեց «Սարագոսա»-ի դարպասը, նույն հաշվով «Ռեալ Սոսյեդատ»-ը պարտության մատնեց Բիլբաոյի «Ատլետիկ»-ին: Նույն` 4-0 հաշվով «Մալագան» առավելության հասավ «Բետիս»-ի, իսկ «Օսասունա»-ն` «Լեւանտե»-ի նկատմամբ: «Բարսելոնա»-ն արտագնա խաղում տարավ իր հերթական հաղթանակը: Այս անգամ «կապտանռնագույնները» հաղթեցին «Սեւիլիա»-ին` 2-3:
«Գրանադա»-ն 2-1 հաշվով առավելության հասավ «Լա լիգա»-ի նորեկ «Սելթա»-ի, իսկ «Վալյադոլիդ»-ը խոշոր` 6-1, հաշվով հաղթեց «Ռայո Վալենկանո»-ին: Տուրի միակ հանդիպումը, որտեղ գրացվեց միայն մեկ գոլ` «Էսպանիոլ»- «Ատլետիկո Մադրիդ» խաղում էր, որտեղ բախտը ժպտաց մայրաքաղաքայիններին: 6 Տուրից հետո «Լա լիգա»-ն գլխավորում է «Բարսելոնա»-ն` 18 միավորով: «Մալագա»-ն եւ «Ատլետիկո Մադրիդ»-ը, համապատասխանաբար, ունեն 14 եւ 13 միավոր: «Ռեալ»-ը 10 միավորով 7-րդ հորիզոնականում է: