Մոուրինիոն դատի է տվել իսպանական պարբերականներից մեկին

ԵՐԵՎԱՆ, 20 ՍԵՊՏԵՄԲԵՐԻ, ԱՐՄԵՆՊՐԵՍ: Մադրիդի «Ռեալ»-ի գլխավոր մարզիչ Ժոզե Մոուրինիոն դատի է տվել իսպանական «Marca» հանդեսի գլխավոր խմբագրին:

Ինչպես փոխանցում է «Արմենպրես»-ը, վկայակոչելով Goal.com կայքը, պորտուգալացի մասնագետին դուր չի եկել «Marca»-ի հոդվածի այն հատվածը, որտեղ իրենց համեմատել են մի անձնավորության հետ, ով կարող է ավտովթար հրահրել եւ փախուստի դիմել դեպքի վայրից: Մոուրինիոն ցանկանում է որպես բարոյական փոխատուցում ստանալ 15 հազար եվրո:

2012 թվականի սկզբին Մոուրինիոն դատի էր տվել նաեւ «El pais» թերթին` իրեն «պորտուգալական նացիստ» անվանելու համար: