2 րոպեի ընթերցում
ԵՐԵՎԱՆ, 18 ՍԵՊՏԵՄԲԵՐԻ, ԱՐՄԵՆՊՐԵՍ: Հավաքական անվտանգության պայմանագրի կազմակերպության (ՀԱՊԿ) գլխավոր քարտուղար Նիկոլայ Բորդյուժան, ինչպես նաեւՀԱՊԿանդամ պետությունների խորհրդարանների պաշտպանության եւ անվտանգության հանձնաժողովի անդամները սեպտեմբերի 18-ին այցելեցին ՀՀ պաշտպանության նախարարության Վազգեն Սարգսյանի անվան ռազմական ինստիտուտ:
Ինչպես հաղորդում է «Արմենպրես»-ը, հյուրերը հնարավորություն ունեցան դիտելու զինվորականների մարտական պատրաստավածության բարձրացման համար անհրաժեշտ սարքավորումները, որից հետո ցուցադրվեց պայմանական հակառակորդի ոչնչացման գործողություն: Գործողության ժամանակ կասեցվեց պայմանական թշնամու դիվերսիոն հետախուզական խմբի գրոհը, իսկ պայմանական թշնամին հետ մղվեց` կրելով կորուստներ:
Պաշտպանության եւ անվտանգության հանձնաժողովի անդամներին ներկայացվեց ուսումնական հաստատության ստեղծման պատմությունը, առանձնահատկությունները, մատուցած ծառայությունները:
ՀԱՊԿ գլխավոր քարտուղարը եւ կազմակերպության անդամ պետությունների խորհրդարանի
ներկայացուցիչները Հայաստանում են կազմակերպության անդամ պետությունների Արագ արձագանքման հավաքական ուժերի (ԱԱՀՈւ) «Փոխգործակցություն-2012» համատեղ օպերատիվ-ռազմավարական զորավարժությունների անցկացման շրջանակներում: