1 րոպեի ընթերցում
ԵՐԵՎԱՆ, 29 ՕԳՈՍՏՈՍԻ, ԱՐՄԵՆՊՐԵՍ: Եվրամիությունը Սիրիայի ժողովրդին որպես մարդասիրական օգնություն կհատկացնի 146 մլն եվրո: Ինչպես հաղորդում է «Արմենպրես»-ը` վկայակոչելով «Ռիա-նովոստին», այս մասին հայտարարել է ԵՄ հումանիտար օգնության հարցերով հանձնակատար Քրիստինա Գեորգիեւան: «Եվրոպան պատրաստ է նույնիսկ ավելացնել հումանիտար օգնության այդ ծավալները»,- հայտարարել է Գեորգիևան:
Օգոստոսի 30-ին Փարիզում նախատեսված է Սիրիայի հարցով ՄԱԿ-ի և Արաբական երկրների լիգայի հատուկ ներկայացուցիչ Լահարդ Բրահիմիի հանդիպումը ՄԱԿ-ի անվտանգության խորհրդի անդամ-երկրների արտգործնախարարների հետ:
ՄԱԿ-ի տվյալների համաձայն` Սիրիայի փախստականների թիվը երկրում տիրող հակամարտության հետևանքով հասել է 214 հազարի: