Թուրքիայում հայտնի երգիչ Իբրահիմի որդինսիրահարվել է Քիմ Քարդաշյանի քրոջը

ԵՐԵՎԱՆ, 24 ՕԳՈՍՏՈՍԻ, ԱՐՄԵՆՊՐԵՍ: Թուրքիայում հայտնի էստրադային երգիչ Իբրահիմ Թաթլիսեսի որդին` Իդո Թաթլիսեսը, «խելահեղորեն» սիրահարվել է ԱՄՆ-ում հայտնի հայազգի մոդել Քիմ Քարդաշյանի կրտսեր քրոջը` 17-ամյա Քենդլ Ջեններին: Այս մասին նա խոստովանել է Twitter-ում արած իր գրառման մեջ: «Ես հայտարարում եմ, որ խելահեղորեն սիրահարված եմ Քենդլ Ջեններին», -գրել է նա:

Ինչպես հաղորդում է «Արմենպրես»-ը` վկայակոչելով թուրքական ԶԼՄ-երը, Իդոն մեկնել է ԱՄՆ-ում երաժշտական կրթություն ստանալու եւ ընկել «սիրո թակարդը»: Դեռեւս հայտնի չէ, Իդոյի սերն անպատասխան է, թե ոչ: