368.44
Բաշար Ասադը հեռացրել է պաշտոններից Հալեպի նահանգապետին և երկու նախարարների
1 րոպեի ընթերցում
ԵՐԵՎԱՆ, 16 ՕԳՈՍՏՈՍԻ, ԱՐՄԵՆՊՐԵՍ: Սիրիայի նախագահ Բաշար ալ-Ասադը պաշտոնից հեռացրել է արդարադատության և արդյունաբերության նախարարներին, ինչպես նաև Հալեպի նահանգապետին, որտեղ վերջին շրջանում շարունակվում են ընդհարումները իշխանական և ընդդիմադիր ուժերի միջև:
Ինչպես հաղորդում է «Արմենպրես»-ը` վկայակոչելով «Ֆրանս-պրես»-ը, Հալեպի նոր նահանգապետ է նշանակվել Մոհամմադ Վահիդ Աքքադը: Նախկին նահանգապետն իր պաշտոնն ստանձնել էր 2011 թվականի օգոստոսից: Արդարադատության նոր նախարարի պաշտոնն Ասադի հրամանով կստանձնի Նաջիմ Համադ ալ-Ահմադը: Արդյունաբերության նախարարի պորտֆելը կստանա Ֆուադ Քուրդին: Սիրիայի պետական հեռուստաընկերությունը, տեղեկացնելով կադրային փոփոխությունների մասին, ոչ մի կերպ չի մեկնաբանել դրանց պատճառները:
Բաժանորդագրվեք մեր ալիքին Telegram-ում