Գերմանիայի իշխանությունները որոշել են պարետային ժամ սահմանել դեռահասների համար

ԵՐԵՎԱՆ, 10 ՀՈՒԼԻՍԻ, ԱՐՄԵՆՊՐԵՍ: Գերմանիայի ընտանիքի գործերի նախարարությունը՝ Քրիստինա Շրյոդերի գլխավորությամբ, առաջարկել Է դեռահասների համար սահմանել պարետային ժամ, որպեսզի այդ կերպ պայքար ծավալվի անչափահասների շրջանում տիրող հարբեցողության դեմ: Այդ մասին, ինչպես տեղեկացնում Է «Արմենպրես»-ը, հաղորդել Է Bild am Sonndag-ը՝ վկայակոչելով նոր օրենքի նախագիծը, որը հայտնվել Է հրատարակության տրամադրության տակ:

Մասնավորապես, կառավարությունը առաջարկում Է 16-ից ցածր տարիքի դեռահասներին արգելել ժամը 20:00-ից հետո լինել այնպիսի հաստատություններում կամ ներկա գտնվել այնպիսի միջոցառումների, որտեղ ալկոհոլ են վաճառում: Նրանց կարող են այնտեղ թողնել միայն այն պայմանով, որ նրանք լինեն ծնողների կամ խնամակալների հետ:

Այդուամենայնիվ, կառավարության բնավ ոչ բոլոր անդամներն են հավանություն տալիս ընտանիքի գործերի նախարար Քրիստինա Շրյոդերի նախաձեռնությանը: Մասնավորապես, նոր սահմանափակումների դեմ հանդես Է եկել Էկոնոմիկայի նախարար Ֆիլիպ Ռյոսլերը, որը ներկայացնում Է լիբերալ Ազատ դեմոկրատների կուսակցությունը: Բունդեսթագում նրա կուսակիցները նույնպես դեմ են արտահայտվել: Նրանց կարծիքով՝ նման միջոցներով հնարավոր չԷ հաղթահարել հարբեցողությունը, բայց կարելի Է հարուցել եւ երիտասարդության, եւ երեկույթների ու համերգների կազմակերպիչների դժգոհությունը:

Մինչդեռ, սոցիոլոգիական հետազոտությունների վերջին տվյալների համաձայն՝ կանոնավոր կերպով ոգելից խմիչք Է գործածում 12-ից մինչեւ 17 տարեկան գերմանացի դեռահասների 14,2 տոկոսը:

2001 թվականին նրանց թիվը հասնում Էր 17,9 տոկոսի: