Գիտնականները օգտագործելու են «մահվան գազար»-ը քաղցկեղը հաղթահարելու համար

ԵՐԵՎԱՆ, 29 ՀՈՒՆԻՍԻ, ԱՐՄԵՆՊՐԵՍ: Գիտականները պատրաստվում են նոր հակաքաղցկեղային միջոց thapsia garganica-ն կամ «մահվան գազար»-ը, առաջիկա ժամանակահատվածում փորձարկել մարդկանց վրա: Ինչպես հաղորդում է «Արմենպրես»-ը` վկայակոչելով New Scientist-ը, համանուն բույսը թունավոր է կենդանիների համար: Այդ պատճառով գրականության մեջ այն հայտնի է, որպես «մահվան գազար»: Հենց այդ թունավոր հատկանիշների շնորհիվ է, որ բույսը ի զորու է սպանել քաղցկեղածին բջիջները:

Ջոն Հոպկինսի համալսարանի ուռուցքաբան Սամուել Դենմիդը գործընկերների հետ 15 տարի է ծախսել հակաքաղցկեղային սարքավորումը ստեղծելու համար: Նոր դեղամիջոցը ստեղծված է բացառապես քաղցկեղի բջիջների դեմ պայքարելու համար` բացասաբար չանդրադառնալով մարդու առողջությանը:

Քիմիաթերապիայի ավանդական մեթոդները ուղղված են բաժանվող բջիջների քայքայման վրա, մինչդեռ նոր սարքաորումը սպանում է նաեւ դեռեւս քնի վիճակում գտնվող քաղծկեղածին մարմինները: Փորձարկումը գիտնականների հավաստմամբ բավականին լավ արդյունքներ է գրանցել կենդանիների վրա: