368.44
Մեքսիկայում նախագահական ընտրությունների չմասնակցելու դեպքում տղամարդիկ կզրկվեն սեռական հարաբերությունից
1 րոպեի ընթերցում
ԵՐԵՎԱՆ, 20 ՀՈՒՆԻՍԻ, ԱՐՄԵՆՊՐԵՍ: Մեքսիկայի նախագահի ղեկավարող կուսակցության թեկնածու Վասկես Մոտան կոչ է արել երկրի քաղաքացիներին օգնել բարձրացնել ընտրությունների մասնակցողների թիվը:
Ինչպես հաղորդում է «Արմենպրես»-ը` վկայակոչելով ռուսական լրատվամիջոցները, նա խնդրել է մեքսիկացի կանանց հրաժարվել սեռական հարաբերություն ունենալ իրենց ամուսինների եւ այն տղամարդկանց հետ, ովքեր չեն մասնակցի ընտրություններին:
Վասկես Մոտան հայտարարել է, որ այն տղամարդիկ, ովքեր հուլիսի 1-ը կանցկացնեն բազմոցին կամ բարերում, մեկ ամիս կզրկվեն սեռական հարաբերություններից:
Հասարակական հարցումները հաշվի առնելով` ղեկավարող կուսակցության թեկնածուն բավական հետ է մնում ընդդիմադիր թեկանծու Էնրիկե Պենա Նետոյից:
Վասկես Մոտայի կարծիքով միայն մեծ թվով քաղաքացիների մասնակցությունն ընտրություններին հնարավորություն կտա նրան հաղթելու:
Դեռեւս տեղեկություններ չեն հաղորդվում նրա հայտարարության արձագանքների մասին:
Բաժանորդագրվեք մեր ալիքին Telegram-ում