Թուրքիայի խորհրդարանական քրդական կուսակցությունը կոչ է արել PKK-ին վերջ դնել զինված գործողություններին
1 րոպեի ընթերցում
ԵՐԵՎԱՆ, 19 ՀՈՒՆԻՍԻ, ԱՐՄԵՆՊՐԵՍ: Թուրքիայի խորհրդարանում 35 պատգամավորական աթոռ զբաղեցնող միակ քրդական «Խաղաղություն եւ ժողովրդավարություն» կուսակցության առաջնորդ Սալահեդդին Դեմիրթաշը կոչ է արել Քրդստանի աշխատավորական կուսակցության (PKK) զինյալներին վերջ դնել զինված գործողություններին: Դեմիրթաշն այդ հայտարարությունն արել է երեկ եւ այսօր առավոտյան Հաքքարիում Թուրքիայի զինված ուժերի ստորաբաժանումներից մեկի` PKK-ի զինյալների հետ բախման հետեւանքով ութ զինվորներ սպանվելու եւ 16-ի վիրավորվելու կապակցությամբ:
Ինչպես հաղորդում է «Արմենպրես»-ը` վկայակոչելով թուրքական «Ջիհան» լրատվական գործակալությունը, կուսակցության խորհրդարանական խմբակցությունում ունեցած ելույթում ԽԺԿ առաջնորդն ասել է, որ թուրք-քրդական պատերազմը պետք է ավարտվի: «Պետք է վերջ դրվի դրան: PKK-ն պետք է վերջ դնի զինված գործունեությանը եւ դադարեցնի գործողությունները», -ասել է քուրդ կուսակցապետը: