Ադրբեջանը ռուսական «Կալաշնիկով»-ը մտադիր է փոխարինել իսրայելական «Տավոր»-ով

ԵՐԵՎԱՆ, 19 ՀՈՒՆԻՍԻ, ԱՐՄԵՆՊՐԵՍ: Ադրբեջանական ռազմատենչ բանակը հերթական անգամ ապացուցում է, որ խաղաղասեր երկիր լինելու վերաբերյալ իր ամպագորգոռ հայտարարույթունները հեռու են իրականությունից: Խոսքն այս անգամ, ինչպես հաղորդում է «Արմենպրես»-ը` վկայակոչելով Военное Обозрение ինտերնետ-պորտալը, Ադրբեջանի պաշտպանության նախարարության ծրագրի մասին է: Նախարարությունը «Կալաշնիկով» ռուսական ինքնաձիգը մտադիր է փոխարինել իսրայելական «Տավոր» կոչվող ինքնաձիգով: «Տավոր»-ը 5.56 մմ տրամաչափի իսրայելական տեսակի ինքնաձիգ է, որն արտադրում է Israel Military Industries կոնցեռնը:

Ադրբեջանը պլանավորում է «Տավոր»-ով փոխարինել ռուսական բոլոր «Կալաշնիկով» հրաձիգերը: Այս առիթով երկիրը պատրաստվում է իսրայելական կոնցեռնից ձեռք բերել արտոնագիր եւ կառուցել գործարան `գրոհային TAR-21 (ինքնաձիգի առաջին տարբերակը)ինքնաձիգի արտադրության նպատակով:

Որոշ տեղեկություններով` իսրայելական արտադրության «Տավոր» զենքը մատակարարվել է արդեն Ուկրաինա եւ Բրազիլիա, ինչպես նաեւ դրանցով զինվել են Գվատեմալայի, Հնդկաստանի, Կոլումբիայի, Պորտուգալիայի, Թայլանդի եւ Ֆիլիպինների ոստիկանական բաժանմունքները եւ բանակները: