1 րոպեի ընթերցում
ԵՐԵՎԱՆ, 22 ՓԵՏՐՎԱՐԻ, ԱՐՄԵՆՊՐԵՍ:Վերջին օրերին տպագիր և էլեկտրոնային լրատվամիջոցներում լուրեր են տարածվել` կապված Գյումրու քաղաքապետ Վարդան Ղուկասյանի Բրազիլիա մեկնելու հետ: Գյումրու քաղաքապետարանից «Արմենպրես»-ին պարզաբանեցին, որ դեռևս երկու տարի առաջ, Գյումրու և Բրազիլիայի Օզասկո քաղաքների միջև ստորագրվել է երկկողմ համագործակցության պայմանագիր, որի համաձայն, երկու քաղաքները դարձել էին քույր քաղաքներ: Այսպիսով, հիմք է դրվել բազմակողմանի համագործակցության: 2011-ին Օզասկո քաղաքի պատվիրակությունը քաղաքապետի գլխավորությամբ այցելել է Գյումրի: Այցի ընթացքում ստորագրվել է հետագա համագործակցության հուշագիր: Մեկ ամիս առաջ, Գյումրու քաղաքապետ Վարդան Ղուկասյանը պաշտոնական հրավեր է ստացել Օզասկոյի քաղաքապետից` փոխադարձ այցելության վերաբերյալ և այժմ գտնվում է հենց այդ քաղաքում: