Աշխարհի ամենակարճահասակ մարդու տիտղոսի նոր հավակնորդ կա

ԵՐԵՎԱՆ, 22 ՓԵՏՐՎԱՐԻ, ԱՐՄԵՆՊՐԵՍ: Յոթանասուներկուամյա տղամարդը արեւմտյան Նեպալից հույս ունի գրանցվել Գինեսի համաշխարհային ռեկորդների գրքում` փորձելով ապացուցել, որ նա աշխարհի ամենակարճահասակ մարդն է: Այս մասին հաղորդում է «Արմենպրես»-ը` վկայակոչելով CBS News-ը: Չանդրա Բահադուր Դանգին պնդում է, որ ընդամենը 22 մատնաչափ է` այսինքն 56 սմ: Գինեսի ռեկորդների գիրքը ներկա պահին աշխարհի ամենակարճահասակ մարդ ճանաչել է Ֆիլիպիններից Ջունրի Բալաուինգին, ում հասակը 23.5 մատնաչափ է` 60 սմ: Դանգիի զարմիկ Դոլակ Դանգին նշել է, որ իրենց մորաքույրը պետք է հանդիպի Գինեսի ներկայացուցիչներին, որպեսզի չափեն մարդու հասակը: