2 րոպեի ընթերցում
ՍՏՈԿՀՈԼՄ, 15 ՓԵՏՐՎԱՐԻ, ԱՐՄԵՆՊՐԵՍ: Բարձրագույն կրթություն ունեցող մարդիկ միջինը հինգ տարի ավելի երկար են ապրում, քան նրանք, ովքեր չեն կարողացել ավարտել գիմնազիան կամ միջնակարգ դպրոցը: Ինչպես հաղորդում Է «Արմենպրես»-ը, այս եզրակացության են հանգել շվեդ գիտնականները, ովքեր հետազոտել են տարբեր սոցիալական խմբերի ներկայացուցիչների առողջական վիճակը:
Չնայած այն հաստատումներին, թե շվեդների առողջությունը տարեցտարի լավանում Է, հասարակության տարբեր խավերի ներկայացուցիչների մոտ այն մեծապես տարբեր Է, եւ այդ տարբերությունները ավելի ու ավելի նկատելի են դառնում, նշում են հետազոտողները:
«Բարձրագույն կրթություն ունեցող մարդիկ ճիշտ ընտրություն անելու ավելի լավ նախադրյալներ ունեն: Ավելի մեծ եկամուտների առկայությունը թույլ Է տալիս դիետիկ մթերք գնել եւ տուրիստական ուղեւորություններ կատարել, նաեւ ավելի խելամիտ վերաբերմունք Է դրսեւորվում առողջապահական համակարգի հնարավորություններից օգտվելու նկատմամբ»,-ասում Է հետազոտության հեղինակներից մեկը՝ Սուսաննա Տայվանեն:
Նրա համոզմամբ՝ ամենագլխավորն այն Է, որ երեխային կյանքի լավ մեկնարկ տրվի: Տայվանեն վեստահ Է՝ «այն պայմանները, որոնցում մարդն անցկացնում Է իր մանկությունը, անդրադառնում են նրա առողջության վրա հասուն տարիքում, ինչպես նաեւ ծերության ժամանակ»: