Լաս Վեգասում բացվել Է «մաֆիայի թանգարան»

ԼՈՍ ԱԱՆՋԵԼԵՍ, 15 ՓԵՏՐՎԱՐԻ, ԱՐՄԵՆՊՐԵՍ: Սուրբ Վալենտինի օրն ԱՄՆ-ի Լաս Վեգաս քաղաքում (Նեւադայի նահանգ) բացվել Է Կազմակերպված հանցավորության եւ իրավապահ մարմինների ազգային թանգարանը: Ինչպես հաղորդում Է «Արմենպրես»-ը, 1580 քառակուսի մետր ընդհանուր տարածությամբ ցուցահանդեսի կազմակերպման համար պահանջվել են 5 տարվա քրտնաջան աշխատանք եւ 42 միլիոն դոլար: Մի ժամանակ խոշոր մաֆիականների պատկանած ցուցանմուշների մի մասը նվիրել են անձինք, որոնք նույնիսկ այժմ գերադասում են չճանաչված մնալ:

Այս թանգարանի ստեղծման գաղափարը պատկանում Է «մեղքերի քաղաքի» նախկին քաղաքագլուխ Օսկար Գուդմենին: Ցուցահանդեսը կոչված Է համակողմանիորեն ներկայացնելու նահանգներում կազմակերպված հանցավորության պատմությունը եւ դրա դեմ մղվող պայքարը: